Addysg Gychwynnol i Athrawon: Medi 2019 i Awst 2020

Ar gyfer 2019/20, Cyngor y Gweithlu Addysg bennodd y dyraniadau ar gyfer cyrsiau Addysg Gychwynnol i Athrawon yng Nghymru. Mae hyn yn seiliedig ar a ydynt yn cael eu hyfforddi i fod yn athrawon cynradd neu athrawon uwchradd, ac a ydynt yn dilyn cyrsiau ôl-radd neu gyrsiau gradd.

Image

Prif bwyntiau

• Roedd nifer yr athrawon ysgol uwchradd newydd o dan hyfforddiant yn is na’r ffigur dyrannu am chweched blwyddyn (54% yn is yn 2019/20). Roedd nifer yr athrawon ysgol cynradd newydd o dan hyfforddiant yn is na’r ffigur am bumed blwyddyn (12% yn is yn 2019/20).
• Dechreuodd 1,080 o fyfyrwyr ar gyrsiau AGA yn 2019/20; 615 ar gyrsiau ysgol gynradd a 465 ar gyrsiau ysgol uwchradd.
• Bu cynnydd yn nifer y myfyrwyr AGA blwyddyn gyntaf yng Nghymru sy’n gallu addysgu yn y Gymraeg yn dilyn gostyngiad dros y pum mlynedd blaenorol. 235 oedd y ffigur yn 2019/20, sef 22% o gyfanswm nifer y myfyrwyr AGA blwyddyn gyntaf yng Nghymru.
• Gwyddoniaeth, Saesneg a Mathemateg yw’r pynciau mwyaf cyffredin i fyfyrwyr sy’n dechrau ar gyrsiau AGA ysgol uwchradd.
• Roedd ychydig dros 8 o bob 10 o fyfyrwyr AGA newydd a oedd yn hyfforddi yng Nghymru yn byw yng Nghymru cyn dechrau ar eu gradd.