Cymunedau Digidol Cymru: Hyder Digidol, Iechyd a Llesiant (gwerthusiad proses a theori newid)

Nod y rhaglen Cymunedau Digidol Cymru: Hyder Digidol, Iechyd a Llesiant gan Lywodraeth Cymru yw gweithio gyda sefydliadau i gefnogi dinasyddion a staff i fod yn ddigidol hyderus, gan ganolbwyntio ar allu rheoli a chael mynediad at wasanaethau iechyd hanfodol. Dechreuodd y contract ym mis Gorffennaf 2019 ac yn rhedeg tan fis Mehefin 2022, gydag opsiwn i ymestyn am dair blynedd arall.

Mae'r gwerthusiad yn cael ei gynnal mewn tri cham allweddol sy'n cynnwys:

• y gwerthusiad proses a damcaniaeth newid hwn
• gwerthusiad interim a gwerthusiad o ganlyniadau
• a gwerthusiad terfynol crynodol

Prif nodau’r cam gyntaf hwn yn y gwerthusiad yw:

• adolygu a chrynhoi'r dystiolaeth bresennol ynghylch y berthynas rhwng cynhwysiant digidol ac iechyd
• adolygu effeithiolrwydd ac effeithlonrwydd y ffordd y cyflwynwyd y rhaglen
• cyflwyno model Damcaniaeth Newid ar gyfer y rhaglen.

Mae tair thema allweddol i ganfyddiadau'r cam hwn.

1. Dylunio a gweithredu’r rhaglen.
2. Recriwtio derbynyddion.
3. Ymgysylltu â sefydliadau a’u cefnogi.

Mae'r gwerthusiad yn cynnig saith argymhelliad i Lywodraeth Cymru eu hystyried wrth gyflawni'r rhaglen.