Mae'r gwasanaeth hwn ar gyfer sefydliadau yn unig. Bydd angen i drethdalwyr nad oes ganddynt gyfreithiwr neu drawsgludydd gysylltu â ni i ofyn am ffurflen TTT bapur.
Dim ond un cofrestriad a ganiateir i bob sefydliad, gan gynnwys rhai sydd â nifer o leoliadau neu swyddfeydd.
Dylech ganiatáu hyd at bythefnos i gwblhau'r broses. Os oes gennych gais brys, cysylltwch â ni os gwelwch yn dda.
Gwasanaeth ar-lein Awdurdod Cyllid Cymru
Cyn i chi ddechrau
Ni allwch gofrestru sefydliad fwy nag unwaith, felly cadarnhewch yn gyntaf a yw eich sefydliad eisoes wedi'i gofrestru ar gyfer ffeilio TTT ar-lein.
Os nad ydych yn siŵr a oes cyfrif yn bodoli'n barod, cysylltwch â ni os gwelwch yn dda.
Beth fydd ei angen arnoch
Wrth gofrestru eich sefydliad, byddwch angen eich:
- rhif cofrestru â Thŷ’r Cwmnïau
- rhif elusen
- cyfeirnod unigryw trethdalwr (CUT) eich partneriaeth neu ymddiriedolaeth
- CUT hunanasesu os ydych yn hunangyflogedig
- rhif cofrestru TAW
Bydd arnoch hefyd angen manylion:
- prif gyswllt o fewn eich sefydliad
- gweinyddwr ar-lein wedi’i enwi ar gyfer rheoli cyfrifon defnyddwyr
Rhaid i gyfeiriadau e-bost fod yn gyfeiriadau e-bost unigol fel 'enw.cyntaf@', ac nid blwch post a rennir fel 'gwybodaeth@'.
I gwblhau’r broses gofrestru
Bydd eich gweinyddwr ar-lein yn derbyn rhif cofrestru eich sefydliad drwy e-bost wedi'i amgryptio o fewn pythefnos.
Dylai hwn gael ei rannu gyda holl gyfeiriadau perthnasol y sefydliad er mwyn creu cyfrifon cysylltiedig.
Rhaid iddynt ddefnyddio hwn i greu cyfrif defnyddiwr gweinyddwr ac i reoli defnyddwyr.
Cymorth
Cysylltwch â ni os oes angen unrhyw gymorth arnoch gyda’r broses hon.