Cofnodion Bwrdd Awdurdod Cyllid Cymru: 23 Ebrill 2020

Aelodau

• Kathryn Bishop, Cadeirydd
• Dyfed Edwards, Is-gadeirydd
• David Jones, Aelod Anweithredol
• Jocelyn Davies, Aelod Anweithredol
• Lakshmi Narain, Aelod Anweithredol
• Dyfed Alsop, Prif Weithredwr
• Sam Cairns, Prif Swyddog Gweithrediadau
• Lucy Robinson, Mewnwelediad a Strategaeth Cwsmeriaid

Ymgynghorwyr

• Joanna Ryder, Pennaeth Staff
• Melissa Quignon-Finch, Pennaeth AD
• Kate Innes, Prif Swyddog Cyllid Dros Dro
• Jim Scopes, Prif Swyddog Strategaeth Dros Dro
• Catrin Durie, Pennaeth Cyfathrebu
• Amy Bowden, Pennaeth Cyfreithiol Dros Dro
• Anna Adams, Dirprwy Gyfarwyddwr Stragetaeth Trethi, Polisi ac Ymgysylltu – Trysorlys Cymru

Ysgrifenyddiaeth

• Ceri Sullivan, Ysgrifenyddiaeth y Bwrdd

1. Croesawodd y Cadeirydd bawb i’r cyfarfod. Cafwyd ymddiheuriadau gan Andrew Jeffreys, byddai Anna Adams yn dirprwyo.

Gwybodaeth wedi’i Hepgor (Troednodyn 1).

1. Cytunwyd bod cofnodion y cyfarfod diwethaf yn ddisgrifiad cywir o’r hyn a drafodwyd, ac roedd yr aelodau’n fodlon ar y cofnod wedi’i olygu at ddiben cyhoeddi. Byddai diweddariad ar gamau gweithredu a oedd heb eu cymryd yn cael ei anfon i’r Bwrdd ar-lein.
    
2. Ni chodwyd unrhyw wrthdaro buddiannau newydd.
    
3. Yng ngoleuni trafodaeth ddiwethaf y Bwrdd ar Strategaeth y Gymraeg a’i benderfyniad i gadarnhau’r datganiad gweledigaeth drafft, nodwyd y byddai erthygl newyddion yn cael ei chynhyrchu a’i rhannu gyda staff i roi’r wybodaeth ddiweddaraf iddynt am ei datblygiad.

1. Roedd papur wedi’i ddrafftio yn amlinellu’r newidiadau llywodraethiant oedd ar waith ar gyfer cyfnod COVID-19. Fe’i trafodwyd gyda’r Pwyllgor Archwilio a Sicrhau Risg (ARAC) yn gynharach yr wythnos honno ar gyfer sylwadau ac roedd bellach yn cael ei drafod gyda’r Bwrdd er mwyn sicrwydd a chytuno.
    
2. Nodwyd nad diben y ddogfen hon mo amlinellu ein fframwaith llywodraethiant yn ei gyfanrwydd, ond yn hytrach egluro ein sefyllfa a’r newidiadau proses a wnaed er mwyn sicrhau llywodraethu da yn ystod COVID-19. Bydd cynnwys y ddogfen hon, yn enwedig ei bwriad, yn cael ei rannu gyda’r Pwyllgor Cyllid a’r Pwyllgor Cyfrifon Cyhoeddus am ymgynghoriad. Nodwyd hefyd y byddai’r Gweinidog Cyllid a’r Trefnydd yn cael gwybod yn eu cyfarfod chwarterol nesaf a gynhelir yr wythnos ganlynol.
    
3. Cytunodd y Bwrdd ar y cynigion llywodraethiant COVID-19 ond awgrymwyd mynd ymlaen â darn o waith ar wahân er mwyn ystyried y proffil risg gwahanol y mae’r sefydliad bellach yn ei wynebu.

Gwybodaeth wedi’i Hepgor (Troednodyn 1).

Gwybodaeth wedi’i Hepgor (Troednodyn 1).

1. Cafodd yr Aelodau wybod bod cydweithio’n digwydd â Thrysorlys Cymru er mwyn sicrhau bod cyfathrebu’n cyd-fynd yn ystod y cyfnod hwn, yn enwedig ynghylch datganiadau ystadegol.
    

[1] Mewn rhai amgylchiadau, nid yw’n briodol rhannu’r holl wybodaeth a gafodd ei chynnwys yng nghofnodion y Bwrdd, er enghraifft os yw’n cynnwys data personol neu fasnachol neu os yw’n gysylltiedig â ffurfio polisi llywodraeth ac ati neu gynnal materion cyhoeddus yn effeithiol. Mewn achosion o’r fath tynnwyd yr wybodaeth allan a marciwyd yn glir ar y testun mai dyma sydd wedi digwydd.