Ystadegau achosion tân ac achub: Ebrill 2019 i Fawrth 2020

Mae'r dadansoddiad yn y bwletin hwn yn ymwneud â digwyddiadau'r gwasanaeth tân ac achub rhwng mis Ebrill 2019 a diwedd mis Mawrth 2020 ac felly mae'n cwmpasu cyfnod yn bennaf cyn pandemig coronafeirws (COVID-19), a'r mesurau cyfyngiadau a gyflwynwyd ar 23 Mawrth 2020.

Tanau

• Yn 2019-20, gostyngodd nifer y tanau a fynychwyd gan Wasanaeth Tân ac Achub Cymru 18% o’i gymharu â’r flwyddyn flaenorol. Ers 2001-02 cafwyd tuedd ar i lawr yn nifer y digwyddiadau a fynychwyd; mae ffigwr 2019-20 yn 70% yn is nag yn 2001-02.
• Gostyngodd nifer y prif danau yng Nghymru 3% dros y flwyddyn, o 4,392 yn 2018-19 i 4,277 yn 2019-20. Mae prif danau yn cynnwys  pob tân mewn adeiladau nad yw’n wag a cherbydau neu mewn adeileddau y tu allan, neu unrhyw dân sy’n cynnwys anafiadau neu achubiaeth, neu danau a ymatebwyd iddynt gan ddefnyddio pump neu fwy o offerynnau.
• Yn 2019-20, gostyngodd y nifer o danau eilradd 27% o’i gymharu â 2018-19.
• Gostyngodd y nifer o danau glaswelltir, coetiroedd a chnydau bwriadol 41% o’i gymharu â 2018-19.

Anafiadau

• Yn 2019-20 roedd 17 o farwolaethau yn sgil tanau yng Nghymru. 
• Roedd 507 o anafiadau nad oeddent yn angheuol yn 2019-20, cynnydd o 28% o’i gymharu â 2018-19. Roedd y gostyngiad hwn yn bennaf oherwydd cynnydd o 45% yn y bobl hynny sy'n derbyn cymorth cyntaf neu'n cael eu hanfon am wiriadau rhagofalus.

Cam-rybuddion tân

• Yn 2019-20 roedd 14,257 o gam rybuddion tân yng Nghymru, i lawr o 14,485 yn 2018-19, gostyngiad o 2%.
• Ni welodd nifer y cam rybuddion tân maleisus o’i gymharu â 2019-20.

Digwyddiadau Gwasanaeth Arbennig

• Mynychodd Wasanaethau Tân ac Achub yng Nghymru 10,107 o Ddigwyddiadau Gwasanaeth Arbennig yn 2019-20, cynnydd o 9% dros 2018-19.

Larymau mwg

• Doedd dim larwm tân wedi ei osod mewn traean o danau mewn anheddau yng Nghymru yn 2019-20.

Achos tanau

• Yn 2019-20, yr achos unigol mwyaf dros dân damweiniol mewn annedd oedd camddefnydd offer neu beiriant, yn cyfateb i draean o’r tanau hyn. Hwn yw’r prif achos cyson tanau damweiniol mewn anheddau ers 2001-02.

Amseroedd ymateb

• Yn 2019-20, ymatebwyd i 61% o brif danau a 70% o danau mewn anheddau yng Nghymru o fewn 10 munud.