Ymchwil i lywio cymorth y dyfodol ar gyfer darparu addysg gynnar yn y sector nas cynhelir

Mae’r adroddiad yn amlinellu’r blaenoriaethau, y gofynion cymorth yn y dyfodol a’r anghenion datblygu wrth geisio cryfhau sefyllfa addysg gynnar o fewn y sector nas cynhelir yng Nghymru.

Roedd y gwaith ymchwil yn dangos bod y rhan fwyaf o leoliadau yn gwerthfawrogi’r cymorth gan sefydliadau cyfrifol (sefydliadau ambarél, awdurdodau lleol a chonsortia addysg).

Roedd Swyddogion Datblygu’r Cyfnod Sylfaen yn teimlo bod angen ehangu eu gwybodaeth mewn nifer o ffyrdd, er enghraifft ym maes addysg gynnar.

Roedd cwestiynau ariannol a chynaliadwyedd i’r dyfodol o bryder i leoliadau a rhanddeiliaid.

Roedd y gwaith ymchwil yn dynodi bod angen hyfforddiant rheolaidd hyblyg gan sefydliadau cyfrifol ar ystod o bynciau.

Roedd angen gwell cefnogaeth hefyd mewn perthynas ag anghenion dysgu ychwanegol, rhedeg busnes, rhannu arferion effeithiol, y Gymraeg a’r cwricwlwm.

Adroddiadau