Deddf Llesiant Cenedlaethau’r Dyfodol (Cymru) 2015: sut mae mesur cynnydd cenedl?

Mae a wnelo Deddf Llesiant Cenedlaethau’r Dyfodol (Cymru) â gwella llesiant cymdeithasol, economaidd, amgylcheddol a diwylliannol Cymru, yn awr ac yn y dyfodol.

Diben yr ymgynghoriad hwn oedd  casglu eich barn ynglŷn â set o ddangosyddion llesiant cenedlaethol ar gyfer Cymru sydd wedi’u bwriadu i fesur cynnydd tuag at greu Cymru lewyrchus, Cymru gydnerth, Cymru sy’n fwy cyfartal, Cymru iachach, Cymru o gymunedau cydlynus, Cymru â diwylliant bywiog lle mae’r Gymraeg yn ffynnu a Chymru sy’n gyfrifol ar lefel fyd-eang.

Rydym am sicrhau bod pobl a chymunedau ledled Cymru’n gallu cyfrannu eu barn ynglŷn â’r set newydd arfaethedig o ddangosyddion llesiant cenedlaethol ar gyfer Cymru amae’r ddogfen hon felly’n nodi ein cynigion drafft i bennu 40 o ddangosyddion llesiant cenedlaethol ar gyfer Cymru,

I ddeall mwy am y Ddeddf gweler y Daflen ar yr Hanfodion a ffilm animeiddiedig sy’n egluro’r Ddeddf.