Gweithlu practis cyffredinol: ar 29 Chwefror 2020

Prif ffynhonnell y data yw System Adrodd Genedlaethol y Gweithlu Cymru (WNWRS) sydd wedi cymryd lle’r cyfrifiad Gwasanaethau Meddygol Cyffredinol fel y brif ffynhonnell ar gyfer ystadegau ynglŷn â gweithlu meddygfeydd. Dyma’r tro cyntaf i ddata gael eu defnyddio o’r system hon ac felly mae’r cyhoeddiad hwn wedi’i glustnodi’n Ystadegau Arbrofol.

Prif bwyntiau

Yng Nghymru, ar 29 Chwefror 2020, roedd 404 o bractisau meddygon teulu gyda:

• 1,972 o ymarferwyr meddygon teulu (gan gynnwys partneriaid, darparwyr a meddygon teulu cyflogedig ond gan eithrio cofrestryddion, ymarferwyr cyffredinol wrth gefn a meddygon locwm)
• 296 o gofrestryddion practisau meddygon teulu (hyfforddeion mewn rhaglen hyfforddi arbenigol i feddygon teulu, wedi’u lleoli mewn practis meddyg teulu ar hyn o bryd)
• 15 o ymarferwyr cyffredinol wrth gefn (meddyg teulu yn y cynllun ymarferwyr cyffredinol wrth gefn, dim ond yn gallu ymarfer hyd at 4 sesiwn glinigol yr wythnos)
• 769 o feddygon locwm wedi’u cofrestru i ymarfer yng Nghymru (nid oes data ar gael ar y nifer gwirioneddol sy’n gweithio ar hyn o bryd).
• 1,413 o nyrsys cofrestredig
• 1,123 o staff gofal uniongyrchol i gleifion
• 5,126 o staff gweinyddol neu anghlinigol arall mewn meddygfeydd