Asesiad o werthusadwyedd llinell gymorth Byw Heb Ofn

Prif ganfyddiadau

Roedd cefnogaeth gref o blaid gwerthuso'r Llinell Gymorth ymhlith staff a rhanddeiliaid fel ffordd i nodi asesiadau defnyddwyr o'r gwasanaeth.

Nodwyd nifer o heriau wrth fynd ati i werthuso effaith y Llinell Gymorth yn cynnwys:

• diffyg dealltwriaeth glir a rennir o nodau ac amcanion y Llinell Gymorth
• prinder adnoddau a/neu ddiffyg arbenigedd i gynllunio a theilwra systemau monitro a gwerthuso er mwyn sicrhau y caiff canlyniadau ac effeithiau eu hasesu fel rhan o'r contract
• data cyfyngedig am ymgysylltiad defnyddwyr gwasanaethau a phroblemau gyda mesur a phriodoli
• cyfyngiadau moesegol

Awgrymwyd cymysgedd o ddulliau gwerthuso fel opsiwn ar gyfer contractau yn y dyfodol, yn cynnwys:

• gwerthusiad proses sy'n ymchwilio i'r broses o gyflawni
• defnydd o'r Llinell Gymorth a wneir gan ddefnyddwyr gwasanaethau
• canfyddiadau o effeithiolrwydd ac ansawdd y gwasanaeth a ddarperir, ynghyd ag ymchwiliad meintiol posibl o ganlyniadau ac effeithiau a ragwelwyd y Llinell Gymorth

Cefndir

Nod yr ymchwil oedd asesu gwerthusadwyedd y Llinell Gymorth Byw Heb Ofn er mwyn llywio'r broses o ddatblygu manyleb dendro ddiwygiedig ar gyfer contract nesaf i ddechrau o 1 Hydref 2020.