Adnewyddu ymgysylltiad democrataidd: ymchwil archwiliol

Nod yr ymchwil ar y cyfan oedd deall sut orau i ymgysylltu â grwpiau o bleidleiswyr sydd newydd eu hetholfreinio mewn etholiadau datganoledig yng Nghymru – a’r rhai sydd eisoes â hawl i bleidleisio ond sydd wedi ymddieithrio’n wleidyddol – i hysbysu’r grwpiau hyn ynghylch eu hawliau a hybu cyfranogiad ac ymgysylltiad democrataidd.

Prif ganfyddiadau

• Roedd pobl iau a gwladolion tramor yn fwy tebygol nag oedolion a oedd wedi ymddieithrio o ddangos diddordeb mewn pleidleisio mewn etholiadau lleol.
• Roedd diffyg gwybodaeth, meddwl bod gwleidyddiaeth yn ddryslyd ac yn anneniadol a dadrithiad cyffredinol yn rhwystrau allweddol i ymgysylltu.
• Roedd gwladolion tramor weithiau’n ansicr ynghylch hawliau pleidleisio ar gyfer gwahanol etholiadau yn y DU.
• Roedd gan gyfranogwyr feddwl mawr o’r cymunedau yr oeddent yn byw ynddynt ond roedd yn tueddu i fod yn aneglur sut i godi mater.
• Roedd gwybod mwy, teimlo’u bod yn cael gwrandawiad, a gwybod bod cyfranogiad yn gallu gwneud gwahaniaeth yn themâu allweddol o awgrymiadau cyfranogwyr ar gyfer gwella ymgysylltiad.