Dealltwriaeth y cyhoedd o ddatganoli trethi: adroddiad diweddaru 2020

Dadansoddiad o ddata arolwg ar ddealltwriaeth y cyhoedd o ddatganoli trethi yng Nghymru, gyda chanfyddiadau yn cael eu cymharu â astudiaeth sylfaenol a gyhoeddwyd yn 2019.

Prif ganfyddiadau

Dywedodd y mwyafrif o'r ymatebwyr mai Llywodraeth y DU sydd â'r rheolaeth fwyaf dros y trethi y maent yn eu talu yng Nghymru.
Nid oedd y mwyafrif o'r ymatebwyr yn gwybod bod Llywodraeth Cymru wedi gallu gosod rhai trethi yng Nghymru o fis Ebrill 2018 ymlaen.
Bu cynnydd sylweddol o ran ymwybyddiaeth bod Llywodraeth Cymru yn gallu pennu cyfraddau Treth Incwm gwahanol yng Nghymru.
Roedd ymatebwyr yn llai tebygol o nodi'n gywir pwy sy'n gyfrifol am osod lefelau'r dreth rydych yn ei thalu pan fyddwch yn prynu tŷ yng Nghymru a'r dreth ar wastraff a anfonir i safleoedd tirlenwi o'u cymharu â threthi eraill.

Cefndir

Yn ystod 2019, cynhaliodd Llywodraeth Cymru gyfres o ymgyrchoedd cyfathrebu i godi ymwybyddiaeth o’r broses o ddatganoli Treth Incwm Cymru yn rhannol. Roedd hyn yn dilyn 2017-18 pan dargedwyd gweithgarwch i hysbysu ac ymgysylltu ar ddatganoli treth trafodiadau tir a Threth Gwarediadau Tirlenwi.

Defnyddir y canfyddiadau o’r ymchwil i hysbysu lle dylid ymgysylltu â'r cyhoedd er mwyn codi ymwybyddiaeth o'r cysylltiad rhwng yr arian a enillir ac a godir yng Nghymru trwy drethi Cymru, a sut y caiff ei wario ar wasanaethau cyhoeddus.

Adroddiadau