Y Gymraeg a’r economi

Mae hefyd yn nodi meysydd ymchwil y gellid eu harchwilio a’u datblygu ymhellach. Yn ogystal ag archwilio’r dystiolaeth mewn perthynas â’r Gymraeg, mae’r adolygiad yn asesu’r dystiolaeth sydd ar gael ynghylch ieithoedd y bernir eu bod yn rhannu nodweddion tebyg gyda’r Gymraeg, o ran eu cyd-destun sosioieithyddol.

Prif ganfyddiadau

Mae’r rhan fwyaf o’r dystiolaeth a adolygwyd yn canolbwyntio ar ddeall neu asesu effaith ffactorau ieithyddol ar newidynnau economaidd, megis canlyniadau'r farchnad lafur, ac agweddau unigolion tuag at fenter a busnes.

Mae’r adolygiad yn awgrymu fod llai o dystiolaeth empirig o draweffaith polisïau, gweithgareddau a thueddiadau economaidd ar iaith.

Mae rhai astudiaethau yn cynnig tystiolaeth o werth canfyddedig sgiliau iaith Gymraeg mewn rhai busnesau, a thystiolaeth bod rhai cwsmeriaid yn ffafrio gwasanaethau cyfrwng Cymraeg.

Prin yw'r dystiolaeth feintiol a ganfuwyd yn yr adolygiad o werth masnachol cynhyrchion a gwasanaethau dwyieithog. Fodd bynnag, mae rhai astudiaethau wedi casglu barn cwmnïau am effaith ganfyddedig defnyddio'r Gymraeg ar drosiant a thwf busnes.