Gwariant a gyllidebwyd gan awdurdodau lleol ar gyfer ysgolion: Ebrill 2020 i Fawrth 2021

Prif bwyntiau

Y gwariant gros sydd wedi’i gyllidebu ar gyfer ysgolion yw £2,822 miliwn, sef cynnydd o 6.2% ar y flwyddyn blaenorol.

Y gwariant gros sydd wedi’i gyllidebu fesul disgybl yw £6,203(r), sef cynnydd o flwyddyn i flwyddyn o 5.9%(r) neu £346(r). Mae hyn yn gynnydd mewn termau real o 3.9%(r) a'r cynnydd termau real cyntaf fesul disgybl ers 2007-08.

Gellir rhannu’r swm hwn fel a ganlyn: £5,192(r) y disgybl wedi’i ddirprwyo i ysgolion a £1,010(r) y disgybl yn cael ei gadw ar gyfer gwasanaethau ysgolion a gyllidir yn ganolog. 

Mae £2,362 miliwn wedi’i gyllidebu ar gyfer ei ddirprwyo i ysgolion. Mae’r swm y mae awdurdodau lleol yn ei ddirprwyo yn uniongyrchol i ysgolion yn amrywio rhwng 77% ac 90% o’r gwariant gros sydd wedi’i gyllidebu ar gyfer ysgolion.

Mae 83.7% o’r cyfanswm gros sydd wedi’i gyllidebu ar gyfer ysgolion yn cael ei ddirprwyo yn uniongyrchol i ysgolion, gostyngiad o 0.2 pwynt canran o'i gymharu â'r flwyddyn flaenorol.

(r) Diwygiedig ar 16 Gorffennaf 2021.