Gwariant sydd wedi'i gyllidebu ar gyfer darpariaeth Anghenion Addysgol Arbennig: Ebrill 2020 i Fawrth 2021

Prif bwyntiau

Mae cyfanswm y gwariant ar ddarpariaeth AAA wedi'i gyllidebu i fod yn £433 miliwn, cynnydd o £28.0 miliwn neu 6.9% o gymharu â'r flwyddyn flaenorol.

Mae'r gwariant dirprwyedig i ysgolion arbennig yn cynrychioli 28% o gyfanswm y gwariant AAA sydd wedi’i gyllidebu. Mae dyraniadau tybiannol o fewn ysgolion meithrin, cynradd ac uwchradd yn cynrychioli 44% pellach o’r cyfanswm. Arian y mae awdurdodau lleol yn ei gadw'n ganolog yw'r 29% sy'n weddill.

Sir Ddinbych sy'n dirprwyo'r gyfran fwyaf o’i chyllidebau AAA i ysgolion, sef 88%, a Chaerffili sy'n dirprwyo'r gyfran leiaf, sef 52%.

Cyfanswm y gwariant AAA sydd wedi’i gyllidebu ar gyfer pob disgybl yng Nghymru yw £951(r).  Mae’n cynnwys £679(r) o wariant dirprwyedig y disgybl a £272 y disgybl o wariant heb ei ddirprwyo.

O ran gwariant AAA sydd wedi’i gyllidebu ar gyfer pob disgybl, Merthyr Tudful sydd â’r mwyaf, £1,208 y disgybl, a Rhondda Cynon Taf sydd â’r lleiaf, £739 y disgybl.

(r) Diwygiedig ar 16 Gorffennaf 2021.