Gwerthusiad o’r clwstwr cyflenwi mewn ysgolion

Prif ganfyddiadau

• Mae amrywiol fodelau arloesol ac amgen wedi cael eu rhoi ar waith gan brosiectau clystyrau i roi sylw i ddarpariaeth cyflenwi pan fo absenoldeb o'r ysgol.
• Mae'r dull hyblyg o reoli a monitro ynghyd â'r ymreolaeth a roddwyd i brosiectau clwstwr gan Lywodraeth Cymru wedi eu galluogi i asesu effeithiolrwydd eu modelau cyflawni a gwneud addasiadau lle bo'n ofynnol.
• Mae prosiectau clwstwr yn adrodd am fuddsoddiad yn ansawdd a chapasiti athrawon cyflenwi. 
• Adroddwyd am amrywiol ganlyniadau dysgu ac addysgu cadarnhaol, yn ogystal â gweithgarwch gwella ysgolion ehangach.
• Mae'r prosiect wedi cryfhau cydweithio ac arferion gorau ar draws ysgolion clwstwr.
• Ceir rhywfaint o dystiolaeth bod clystyrau a oedd fel rheol yn defnyddio asiantaethau cyflenwi allanol wedi adrodd am well effeithlonrwydd o ran rheolaeth a manteision gweinyddol ac o ran adnodd. 
• Yn sgil yr amrywiaeth yn y dulliau o ddefnyddio athrawon ychwanegol a chyfyngiadau i'r data monitro, nid oedd yn bosib gwneud cymhariaeth gywir gyda chostau dulliau amgen o ddarpariaeth cyflenwi. 
• Mae o gwmpas traean o'r prosiectau clwstwr naill ai yn parhau neu'n ystyried parhau gyda rhai elfennau o'u prosiectau. Er bod dyhead ymysg y clystyrau eraill i barhau, mae'n bosib bod rhwystrau ariannol rhag gwneud hynny.