Canllawiau ynglŷn â sut i gael contractau Llywodraeth Cymru a thelerau rhoi contractau.
Cynnwys
Cyflwyniad
Byddwn yn gwario tua £675 miliwn y flwyddyn yn prynu nwyddau, gwasanaethau, gwaith, TGCh ac offer/gwasanaethau digidol.
Ein nod yw gwario’r buddsoddiad sylweddol hwn mewn ffordd sy’n sicrhau’r gwerth gorau am arian i Gymru. Rydym hefyd yn dymuno symleiddio'r broses gynnig ar gyfer cyflenwyr.
Ein blaenoriaethau caffael
Mae gweithgarwch caffael Llywodraeth Cymru yn ategu ein hamcanion llesiant. Dyma ein blaenoriaethau:
- Deddf Llesiant Cenedlaethau’r Dyfodol sydd wedi’i gwreiddio yn ein holl weithgareddau
- Ymrwymo i egwyddorion Datganiad Polisi Caffael Cymru.
- Cynorthwyo i gyflawni meysydd polisi allweddol. Mae’r rhain yn cynnwys datgarboneiddio, partneriaeth gymdeithasol, gwaith teg a chyflogaeth foesegol mewn cadwyni cyflenwi
- Bod yn atebol i rwymedigaethau gweithdrefnol, cyfreithiol a rhyngwladol a chydymffurfio â nhw
Dylai darpar gyflenwyr fod yn ymwybodol o’r canlynol hefyd:
- Ein telerau ac amodau caffael safonol ar gyfer nwyddau
- Ein telerau ac amodau caffael safonol ar gyfer gwasanaethau
- Y cod talu’n brydlon
- Modiwl e-ddysgu manteision cymunedol
Sut rydym yn dyfarnu ein contractau
Rydym yn defnyddio GwerthwchiGymru i hysbysebu ein holl gontractau sy’n werth mwy na £25,000.
Rhaid i gyflenwyr sydd am wneud busnes gyda ni gofrestru ar GwerthwchiGymru.
Ar ôl cofrestru gallwch weld ein hysbysiadau contract cyfredol.
Rydym yn cyhoeddi ein hysbysiadau contract caffael a manylion dyfarnu contractau
eGaffael
Rydym yn defnyddio eDendroCymru i gynnal prosesau caffael contractau sy’n werth mwy na £25,000.
Mae eDendroCymru:
- yn cynnig mynediad cyfleus i gyflenwyr at ddogfennau tendro
- yn cynnig dull diogel o ddychwelyd tendrau
- yn cynnig proses dryloyw ar gyfer codi ymholiadau yn ystod y broses dendro.
Amdanom ni
Mae trosolwg o’n timau ar gael yma.
Gallwch ganfod enghreifftiau o’n gwaith ar ein tudalen astudiaethau achos.
Gallwch gael y wybodaeth ddiweddaraf am ein gweithgareddau drwy gofrestru i gael ein cylchlythyr, neu drwy ein dilyn ar LinkedIn neu X (Twitter gynt).
Darllenwch sut rydw i'n rheoli'ch data yn ein hysbysiad preifatrwydd.