Rheoliadau dyddiadau tymhorau ysgol

Mae Llywodraeth Cymru yn ymwybodol o'r anawsterau a wynebir gan lawer o deuluoedd sy'n gweithio'n galed ledled Cymru o ganlyniad i wahaniaethau mewn dyddiadau tymhorau ysgol ac felly wyliau ysgol.

Er mwyn ymdrin â'r mater hwn mae newidiadau deddfwriaethol i'r broses o bennu dyddiadau tymhorau ysgol wedi'u cynnwys yn y Bil Addysg (Cymru) a gyflwynwyd gan y Gweinidog Addysg a Sgiliau gerbron Cynulliad Cenedlaethol Cymru ar 1 Gorffennaf 2013. Mae'r Cynulliad wrthi'n craffu ar y Bil ac mae'n ddarostyngedig i fodloni'r fath ofynion craffu a derbyn Cydsyniad Brenhinol.

Mae'r newidiadau arfaethedig i bennu dyddiadau tymhorau ysgol yn cynnwys rhoi'r pŵer i Weinidogion Cymru gyfarwyddo awdurdodau lleol a chyrff llywodraethu ysgolion gwirfoddol a gynorthwyir ac ysgolion sefydledig ar y dyddiadau tymor a bennir ganddynt. Gwneir hyn er mwyn sicrhau undod o ran dyddiadau tymhorau ysgol os nad yw awdurdodau lleol a chyrff llywodraethu ysgolion gwirfoddol a gynorthwyir ac ysgolion sefydledig wedi gallu cytuno ar ddyddiadau tymhorau neu os oes angen i'r dyddiadau tymhorau y cytunwyd arnynt gael eu newid.

Mae'r ddogfen ymgynghori isod yn ceisio eich barn ar y cynigion ar gyfer rheoliadau a fydd yn darparu ar gyfer y broses ymgynghori i'w dilyn cyn i Weinidogion Cymru ddefnyddio eu pwerau cyfarwyddo ar ddyddiadau tymhorau ysgol.