Bil yr Amgylchedd - Papur Gwyn

Mae'r papur gwyn hwn yn nodi cynigion ar gyfer Bil yr Amgylchedd (Cymru). Bydd y bil hwn yn sicrhau bod gennym y fframwaith deddfwriaethol priodol ar gyfer rheoli ein hadnoddau naturiol mewn modd cydgysylltiedig yn unol ag ymrwymiad y Rhaglen Lywodraethu. Mae hyn yn cynnwys cynigion ynghylch dull cynllunio newydd ar gyfer rheoli adnoddau naturiol sy'n canolbwyntio ar ardaloedd penodol. Bwriad hyn yw ategu cyfreithiau presennol a chyfreithiau arfaethedig ym maes cynllunio a datblygu cynaliadwy er mwyn cyflawni manteision economaidd cymdeithasol ac amgylcheddol i Gymru.

Cynhaliwyd ymgynghoriad yn 2012 ar Bapur Gwyrdd Cynnal Cymru Fyw a ddangosodd gefnogaeth gyffredinol tuag at ddull newydd o gynllunio a rheoli adnoddau naturiol yng Nghymru. Mae'r papur gwyn hwn yn adeiladu ar yr ymatebion i'r papur gwyrdd gan nodi mewn rhagor o fanylder gynigion deddfwriaethol ar gyfer rheoli adnoddau naturiol.

Mae'r Papur Gwyn yn nodi sut y byddwn yn cymryd camau er mwyn:

• cydgysylltu'r fframweithiau statudol presennol ar gyfer cynllunio a rheoli adnoddau naturiol yng Nghymru
• sicrhau bod gan Cyfoeth Naturiol Cymru'r dulliau deddfwriaethol a fydd yn eu galluogi i weithredu trefniadau integredig ar gyfer rheoli adnoddau naturiol
• sicrhau bod y defnydd gorau posibl yn cael ei wneud o adnoddau naturiol Cymru ac er mwyn lleihau gwastraff
• symleiddio a chysoni'r gyfraith ynghylch nifer o drefniadau rheoleiddio amgylcheddol presennol a'i gwneud yn fwy clir.