Albert Heaney CBE Prif Swyddog Gofal Cymdeithasol Cymru

Mae ei gyfrifoldebau’n cynnwys:

• bod yn llais cryf i bawb sy’n gweithio ym maes gofal cymdeithasol a darparu cyngor diduedd ar sail gwybodaeth i Weinidogion Cymru ar flaenoriaethau ar gyfer newid
• darparu arweinyddiaeth genedlaethol a hyrwyddo parch i bawb mewn rolau gofal cymdeithasol
• ysgogi integreiddio rhwng iechyd a gofal cymdeithasol
• galluogi pobl sy’n derbyn gofal cymdeithasol i gyflawni eu canlyniadau personol
• lleihau nifer y plant sydd angen eu rhoi mewn gofal
• cefnogi modelau darparu gwasanaeth arloesol â gwerth cymdeithasol
• datblygu modelau cyllid gofal cymdeithasol newydd
• hyrwyddo gwella a diwygio ym maes gofal cymdeithasol
• cefnogi lles a datblygiad y gweithlu gofal cymdeithasol
• cefnogi awdurdodau lleol a darparwyr a gwella ansawdd a chynaliadwyedd ym maes gofal cymdeithasol
• cyflawni bwriadau Deddf Gwasanaethau Cymdeithasol a Llesiant (Cymru) 2014 a Deddf Rheoleiddio ac Arolygu Gofal Cymdeithasol (Cymru) 2016
• cyd-gadeirio Bwrdd Partneriaeth y Gymraeg mewn Iechyd a Gwasanaethau Cymdeithasol
• ysgogi trefniadau a gweithdrefnau diogelu i sicrhau arferion o’r safon uchaf

Mae Albert wedi gweithio yn y Gwasanaethau Cyhoeddus ers yr 1980au. Mae ei rolau blaenorol wedi cynnwys:

• Llywydd Cymdeithas Cyfarwyddwyr Gwasanaethau Cymdeithasol Cymru (ADSS Cymru)
• Cyfarwyddwr Arweiniol ar gyfer Plant a Chyfarwyddwr Arweiniol ar gyfer Diogelu ac Atal, ADSS Cymru
• Cadeirydd Bwrdd Diogelu Plant
• Cyfarwyddwr Corfforaethol Gwasanaethau Cymdeithasol, yn arwain ar Wasanaethau Plant ac Oedolion

Mae’n aelod o’r Bwrdd Cyfiawnder Teuluol ac yn Gadeirydd Rhwydwaith Cyfiawnder Teuluol Cymru.