Rheoliadau adeiladu

Mae’r Rheoliadau Adeiladu’n rheoli mathau penodol o waith adeiladu ac yn sicrhau bod adeiladau’n cyrraedd safon benodol ar gyfer iechyd diogelwch lles hwylustod a chynaladwyedd.

Mae’n rhaid i ni roi ar waith ofynion Cyfarwyddeb yr UE 2010/31/EU ar Berfformiad Ynni Adeiladau. Rydyn ni eisiau’ch barn ar sut i ymgorffori’r gofynion hyn i’r gyfraith. Nid ydym yn gofyn am eich barn ar y gofynion eu hunain.

Hefyd hoffem glywed eich barn ar y newidiadau sy’n ofynnol yng Nghymru i hwyluso’r Fargen Werdd. Mae’r Adran Ynni a Newid Hinsawdd wedi ymgynghori ar y newidiadau hyn yn barod yn Lloegr.

Rydym wedi cynnal ymgynghoriad caeedig ar y newidiadau i Atodlen 3 gyda’r cyrff canlynol:

• Pwyllgor Cynghori Cymru ar Reoliadau Adeiladu (BRACW)
• Fforwm Personau Cymwys a
• Rheoli Adeiladu Awdurdodau Lleol (LABC)

Rydym wedi cynnwys y newidiadau hyn yn y ddogfen ymgynghori er gwybodaeth.