Addasiadau rhesymol i gymwysterau cyffredinol

Gall ymgeiswyr anabl wneud cais am addasiadau rhesymol wrth sefyll cymwysterau. Fodd bynnag gan y cynlluniwyd cymwysterau i asesu’r hyn y mae ymgeisydd yn ei wybod yn ei ddeall ac yn gallu ei wneud dim ond at ryw bwynt penodol y gellir addasu cymhwyster heb i werth y cymhwyster hwnnw gael ei danseilio.

Mae Deddf Cydraddoldeb 2010 wedi rhoi pŵer newydd i ni fel y rheoleiddiwr cymwysterau yng Nghymru.  Mae hyn yn ein galluogi i bennu cyfyngiadau ar y defnydd a wneir o addasiadau rhesymol mewn cymwysterau cyffredinol.

Ein Cynigion

Mae’n cynigion yn ymdrin ag ystod eang o addasiadau rhesymol gan gynnwys esemptiadau marciau pasio darllenwyr ac ysgrifenyddion. Wrth eu datblygu mae hi wedi bod yn bwysig i ni ystyried:

• lleihau lefel yr anfantais y mae ymgeiswyr anabl yn ei hwynebu;
• sicrhau bod y cymhwyster yn rhoi darlun dibynadwy o wybodaeth sgiliau a dealltwriaeth;
• cynnal ffydd y cyhoedd yn y cymhwyster.

Y camau nesaf

Byddwn yn ystyried pob ymateb i’r ymgynghoriad hwn wrth gwblhau ein manylebau ar y defnydd a wneir o addasiadau rhesymol mewn cymwysterau cyffredinol. Byddwn hefyd yn rhannu’r wybodaeth hon gyda rheoleiddwyr cymwysterau eraill y DU gan fod llawer o gymwysterau ar gael yng Nghymru Lloegr a Gogledd Iwerddon.