Y Fframwaith Hyfforddi Cenedlaethol ar drais yn erbyn menywod, cam-drin domestig thrais rhywiol

Mae'r Fframwaith yn cynnwys chwe grŵp. Mae pob proffesiwn o fewn y Gwasanaethau Cyhoeddus yn cael ei gynnwys yn un o'r grwpiau hyn ac amlinellir pa hyfforddiant sylfaenol sy'n ofynnol ar gyfer pob grŵp.

Mae'r grŵp hwn yn cynnwys yr holl weithwyr proffesiynol sy'n gweithio yn y gwasanaethau cyhoeddus. Bydd yr hyfforddiant yn darparu:

• dealltwriaeth sylfaenol o beth yw trais yn erbyn menywod, cam-drin domestig a thrais rhywiol 
• sut i adnabod cam-drin domestig a thrais rhywiol
• y cymorth sydd ar gael i ddioddefwyr.

Mae'r cwrs ar gael ar wefan y GIG.

Mae'r grŵp hwn ar gyfer gweithwyr proffesiynol sy'n debygol o ddal swyddi lle bo posibilrwydd bod trais yn erbyn menywod, cam-drin domestig a thrais rhywiol yn broblem i'w cleientiaid, a'u bod yn gallu 'Gofyn a Gweithredu'. Mae hyn yn cynnwys pobl sy'n asesu neu roi triniaeth i rywun o ganlyniad i drais a cham-drin, neu'n gweithio gyda nhw.

Er enghraifft, byddai hyn yn cynnwys gweithwyr proffesiynol fel doctoriaid, nyrsys, y rhai sy'n gweithio ym maes gofal cymdeithasol, y rhai sy'n cefnogi pobl â phroblemau iechyd meddwl, a swyddogion digartrefedd. 

Bydd yr hyfforddiant yn sicrhau y gall unigolion wneud yn canlynol:

• adnabod yr arwyddion bod rhywun yn cael ei gam-drin
• siarad yn sensitif â'r person hwnnw (os yw hynny'n briodol)
• cynnig opsiynau a gwasanaethau iddynt yn gyflym ac yn effeithiol.

Canllawiau ynghylch sut mae 'Gofyn a Gweithredu'.

Mae'r grŵp hwn yn cynnwys unigolion mewn swyddi sy'n gofyn iddynt wneud mwy na 'Gofyn a Gweithredu' a'r rhai sydd yn perfformio fel 'Hyrwyddwyr'.

Bydd yr hyfforddiant yn eu galluogi i wneud y canlynol:

• cefnogi cydweithwyr wrth iddynt wneud penderfyniadau anodd mewn perthynas â'r pynciau hyn, helpu i gynnig gwasanaethau i bob aelod o'r teulu y mae trais yn erbyn menywod, cam-drin domestig a thrais rhywiol wedi cael effaith arnynt
• chwarae rhan hyrwyddwr o fewn eu sefydliad.

Os hoffech wybod rhagor am hyfforddiant ar gyfer grŵp 3, anfonwch e-bost i dîm Trais yn erbyn Menywod a Cham-drin Domestig Llywodraeth Cymru yn VAWDASV@llyw.cymru neu cysylltwch â'ch cydgysylltydd VAWDASV lleol. 

Mae'r grŵp hwn yn cynnwys gweithwyr proffesiynol sy'n ymdrin â cleientiaid sydd wedi'u heffeithio gan drais yn erbyn menywod, cam-drin domestig a thrais rhywiol yn unig.

Mae Llywodraeth Cymru yn ei gwneud yn ofynnol sefydlu'r canlynol ar gyfer unrhyw un sydd â chleientiaid sy'n dod ar draws trais, cam-drin domestig a thrais rhywiol, boed yn ddioddefwyr neu'n blant i ddioddefwyr, neu unrhyw un sy'n cyflawni cam-drin domestig:

• mynediad i hyfforddiant priodol yn fuan ar ôl eu recriwtio
• cymwysterau priodol 
• cyfleoedd Datblygiad Proffesiynol Parhaus.

Mae hyfforddiant lleol yn parhau i fod yn ffordd bwysig o sicrhau bod gan weithwyr proffesiynol y sgiliau priodol i weithio gyda'r rheini sy'n dod ar draws trais, cam-drin domestig a thrais rhywiol. Mae'r Fframwaith Hyfforddi Cenedlaethol yn amlinellu'r gofynion sylfaenol ar gyfer hyfforddiant a ddarperir yn lleol (gan wasanaethau lleol, drwy Bartneriaethau Diogelwch Cymunedol neu o fewn Awdurdodau Lleol neu Fyrddau Iechyd).

Mae'r grŵp hwn yn cynnwys rheolwyr gwasanaethau sy'n gweithio yn y sector trais yn erbyn menywod, cam-drin domestig a thrais rhywiol.

Mae pynciau allweddol yn yr adran hyfforddiant hon yn cynnwys:

• llywodraethu effeithiol a diogel
• adnoddau dynol a chefnogaeth i staff
• cynaliadwyedd
• y fframwaith comisiynu
• cydweithio amlasiantaethol

Mae mynediad i'r cwrs ar gael ar wefan Safelives.

Mae'r grŵp hwn yn cynnwys pobl mewn rolau arweiniol.

Cyfres o ffilmiau byrion yw Cyfres Cryfhau Arweinyddiaeth. Mae pob un ohonynt yn ymdrin â mater pwysig sy'n berthnasol i drais yn erbyn menywod, cam-drin domestig a thrais rhywiol. Mae'r ffilmiau yn cynnig pytiau o wybodaeth y gellir eu defnyddio i lywio'r trywydd strategol, neu eu rhannu o fewn timau i gynyddu gwybodaeth.

Gwyliwch gyfres Cryfhau Arweinyddiaeth ar YouTube.