Astudiaeth ymchwil ar ba mor ddeniadol yw gyrfa addysgu, a chadw athrawon

Y prif ganfyddiadau

Mae’r ffactorau sy’n annog unigolion i ddilyn gyrfa addysgu ac aros yn y proffesiwn yn cynnwys y canlynol:

• teimlad bod addysgu yn alwedigaeth a’r cyfleoedd y mae hynny’n eu cynnig i gael effaith gadarnhaol ar fywydau plant a phobl ifanc
• cyfleoedd am broffesiynoldeb creadigol, yn benodol rhywfaint o ymreolaeth dros y diwrnod gwaith
• strwythur gyrfa, fel datblygiad a’r hawl i wyliau
• cyfleoedd i hybu gwybodaeth a sgiliau
• ystyrir bod cymorth proffesiynol effeithiol a chyson yn ystod pob cam o’r hyfforddiant a drwy gydol gyrfa addysgu yn elfen hanfodol o ran cadw athrawon.

Mae’r ffactorau a all annog unigolion i beidio ag ystyried gyrfa addysgu a chyfrannu at benderfynu gadael y proffesiwn yn cynnwys y canlynol:

• roedd llwyth gwaith a straen yn troi darpar athrawon ac athrawon ar ddechrau eu gyrfa oddi ar addysgu
• y ddelwedd o addysgu – roedd rhai pobl ifanc yn credu y gallent gael cyflogau uwch a llai o straen a llwyth gwaith drwy ddilyn gyrfaoedd eraill
• yr angen am ragor o gymorth – nodwyd bod diffyg cymorth gan arweinwyr ysgol yn rheswm dros adael addysgu
• nododd yr ymchwil bwysigrwydd cynorthwyo athrawon a datblygu diwylliant lle maen nhw’n teimlo y gallant gyfaddef eu bod yn ei chael hi’n anodd.