Mae Gweinidog y Gymraeg, Alun Davies, wedi cymeradwyo grantiau gwerth £4.2m i hyrwyddo a hwyluso'r defnydd o'r Gymraeg.
Cyhoeddwyd y cynnwys hwn dan weinyddiaeth Llywodraeth Cymru 2016 i 2021
Bydd yr arian yn darparu cyllid craidd a chyllid ar gyfer prosiectau i 77 o sefydliadau yn ystod 2017-18 i ddarparu amrywiaeth o weithgareddau. Mae'r grwpiau a fydd yn elwa'n uniongyrchol o'r gronfa hon yn cynnwys:
- Yr Eisteddfod Genedlaethol
- Cymdeithas Eisteddfodau Cymru
- Mentrau Iaith
- Merched y Wawr
- Clybiau Ffermwyr Ifainc Cymru
- Papurau Bro
- Urdd Gobaith Cymru
- Cymdeithas Cyfieithwyr Cymru
Dywedodd Gweinidog y Gymraeg a Dysgu Gydol Oes, Alun Davies AC:
"Ein nod yw hyrwyddo'r defnydd o'r Gymraeg mewn bywyd bob dydd ar draws Cymru gyfan, drwy gyfleoedd i ddefnyddio'r iaith, a chefnogi sefydliadau i ddiogelu a chryfhau sefyllfa'r Gymraeg. Mae'r grantiau hyn yn cydnabod cyfraniad y sefydliadau hyn i les yr iaith yn y dyfodol.
"Rydw i wastad wedi credu nad cyfrifoldeb y Llywodraeth yn unig yw dyfodol y Gymraeg. Mae gan gyrff eraill, ar lefel genedlaethol a lleol, cymdeithasau, ysgolion, cyflogwyr, teuluoedd ac unigolion, bob un ei ran i chwarae. Mae'r iaith yn rhan o bwy ydyn ni, ac mae'n iaith i bawb.
"Mae gan bob un ohonom ran i'w chwarae wrth ddatblygu dyfodol yr iaith, a bydd yr arian hwn yn gwneud llawer i'n helpu i wireddu ein huchelgais o gael miliwn o siaradwyr Cymraeg."