Newidiadau ac addasiadau ysgol ar gyfer cyflenwi cwricwlwm ac asesu

Canfyddiadau allweddol

• Mae ystod o weithgareddau yn mynd rhagddynt mewn ysgolion, o weithgareddau ‘cyffyrddiad ysgafn’ fel rhannu gwybodaeth, i weithgareddau cynhwysfawr sy’n cynnwys ad-drefnu strwythurol. 
• Mae tystiolaeth gref bod llawer o ad-drefnu gweithlu, ond nid yw ysgolion, o reidrwydd, yn gweld hyn rhywbeth sy’n rhagflaenu’r gwaith o gyflwyno cwricwlwm newydd, yn unol â’r argymhellion a geir yn Dyfodol Llwyddiannus. 
• Roedd arweinyddiaeth yn ffactor ysgogi allweddol o ran newid ac addasu.
• Gwelwyd dirprwyo cyfrifoldebau mewn perthynas â newid y cwricwlwm i aelodau o’r Uwch-dîm Rheoli neu staff addysgu eraill yn alluogydd o ran newid/addasu. 
• Roedd y prif rwystrau yn ymwneud â pharhau i ddefnyddio’r system asesu bresennol (yn benodol at ddibenion atebolrwydd) a chymwysterau. Roedd hyn yn amlwg iawn mewn ysgolion uwchradd.
• Mae peth ansicrwydd yn parhau ymhlith staff addysgu ynghylch eu rôl yn y cwricwlwm newydd ac mae hyn yn cael ei weld fel rhwystr i allu gwneud newidiadau’n hyderus.