Pobl ifanc heb fod mewn addysg, cyflogaeth neu hyfforddiant (NEET): Ebrill 2018 i Mawrth 2019

Prif bwyntiau

Pobl ifanc rhwng 16 i 18 oed

• Yn gyffredinol, mae’r gyfran o bobl ifanc rhwng 16 i 18 oed sydd heb fod mewn addysg, cyflogaeth neu hyfforddiant (NEET) wedi gostwng yn raddol ers 2011, ond cynyddodd ychydig yn y flwyddyn ddiwethaf. Mae maint y cynnydd hwn yn amrywio yn dibynnu ar y ffynhonnell a ddefnyddir.
• Ar sail y datganiad ystadegol cyntaf, ar ddiwedd 2018, roedd 10.3% o bobl ifanc rhwng 16 i 18 oed yn NEET o’i gymharu â 9.4% ar ddiwedd 2017.
• Ar sail yr Arolwg Blynyddol o’r Boblogaeth, ar gyfer y flwyddyn yn dod i ben gyda Chwarter 1 2019, amcangyfrifwyd bod 8.2% o bobl ifanc rhwng 16 i 18 oed yn NEET, o’i gymharu â 8.3% ar gyfer y flwyddyn yn dod i ben gyda Chwarter 1 2018.

Pobl ifanc rhwng 19 i 24 oed

• Mae’r gyfran o bobl ifanc rhwng 19 i 24 oed sydd yn NEET wedi gostwng ers y dirwasgiad ac mae nawr yn sefyll ychydig dros 16%.
• Ar sail y datganiad ystadegol cyntaf, ar ddiwedd 2018, roedd 16.1% o bobl ifanc rhwng 19 i 24 oed yn NEET, cyfran debyg i 2017.
• Ar sail yr Arolwg Blynyddol o’r Boblogaeth, ar gyfer y flwyddyn yn dod i ben gyda Chwarter 1 2019, amcangyfrifwyd bod 16.2% o bobl ifanc rhwng 19 i 24 oed yn NEET, o’i gymharu â 14.2% ar gyfer y flwyddyn yn dod i ben gyda Chwarter 1 2018.

Ffynonellau ystadegol

• Datganiad ystadegol cyntaf ‘Cyfranogiad pobl ifanc mewn addysg a'r farchnad lafur’ yn defnyddio ffynonellau data addysg a’r Arolwg Blynyddol o’r Boblogaeth.
• Arolwg Blynyddol o’r Boblogaeth (Y Swyddfa Ystadegau Gwladol).