Dangosyddion Coetiroedd i Gymru: Ebrill 2017 i Fawrth 2018

Prif bwyntiau

• Yn 2018 y gorchudd coetir yng Nghymru oedd 308,000 hectar. 157,000 hectar o goed llydanddail a 151,000 hectar o goed conwydd.
• Yn 2017 roedd 41,900 hectar mewn ardaloedd trefol wedi eu gorchuddio â choed.
• Rhagwelir y bydd tir coedwig yn parhau i fod yn ddalfa net ar gyfer allyriadau.
• Roedd 77% o oedolion a holwyd yng Nghymru wedi ymweld â choetiroedd ar gyfer gweithgareddau hamdden yn ystod y 12 mis diwethaf.
• Roedd rhwng 10,300 ac 11,000 o bobl yn gweithio yn y sector coedwigaeth yng Nghymru yn 2017.
• Cyfanswm Gwerth Ychwanegol Gros (GVA) y sector coedwigaeth oedd £665 miliwn.

Mae rhagor o wybodaeth

Mae'r adroddiad hwn yn cynnwys dangosyddion i fesur ein cynnydd tuag at y canlyniadau lefel uchel a ddisgrifir yn Coetiroedd i Gymru.

Mae'r 23 dangosydd yn ymdrin â newidiadau o ran ardal a natur coetiroedd a choed Cymru. Maent hefyd yn monitro'r nwyddau a'r gwasanaethau y maent yn eu darparu.

Mae'r adroddiad yn cynnwys:

• ffynonellau data
• y duedd a ddymunir ar gyfer pob dangosydd
• gwybodaeth sylfaenol, lle bo ar gael. 
• sylwebaeth yn nodi perthnasedd, pwyntiau allweddol ac unrhyw nodiadau i roi cyd-destun i'r data

I gael rhagor o wybodaeth am ansawdd yr ystadegau a’r diffiniadau a ddefnyddir, ewch i’r adrannau ‘Gwybodaeth allweddol o ansawdd’ a ‘Geirfa’ tua diwedd y adroddiad.