Jane Hutt AS Ysgrifennydd y Cabinet dros Gyfiawnder Cymdeithasol, y Trefnydd a’r Prif Chwip

• Cydlynu mesurau trawsbynciol i hyrwyddo ffyniant a threchu tlodi
• Cydlynu mesurau i liniaru Tlodi Plant
• Cynhwysiant Digidol
• Goruchwylio'r gwaith o ddosbarthu cyllid y Loteri yng Nghymru
• Diwygio Lles
• Tlodi tanwydd a bwyd
• Cynhwysiant ariannol, gan gynnwys undebau credyd
• Cydraddoldeb a Hawliau Dynol
• Canllawiau amrywiaeth a chynhwysiant ar gyfer etholiadau
• Cydlynu materion yn ymwneud â Sipsiwn, Roma a Theithwyr, ceiswyr lloches, ffoaduriaid, mudo a chydlyniant cymunedol
• Gwrthgaethwasiaeth, cam-drin domestig, trais ar sail rhywedd a thrais rhywiol
• Y sector gwirfoddol a gwirfoddoli
• Glasbrintiau Cyfiawnder Ieuenctid a Throseddwyr Benywaidd
• Cydlyniant cymunedol
• Diogelwch Cymunedol, gan gynnwys Swyddogion Cymorth Cymunedol yr Heddlu
• Y berthynas â'r Comisiynwyr Heddlu a Throseddu, yr Heddlu ac asiantaethau Cyfiawnder Troseddol eraill
• Y berthynas â Llywodraeth y DU o ran Carchardai a'r Gwasanaeth Prawf
• Gwasanaethau Cynghori ac Eiriolaeth
• Prif gyfrifoldeb am fonitro materion sy'n ymwneud â Swyddfa'r Post a'r Post Brenhinol yng Nghymru
• Polisi penodiadau cyhoeddus, a gweithredu hynny
• Y berthynas â Chomisiynydd Pobl Hŷn Cymru, Comisiynydd Plant Cymru, Comisiynydd Cenedlaethau'r Dyfodol Cymru ac Ombwdsmon Gwasanaethau Cyhoeddus Cymru
• Gweithredu’r fframwaith Llesiant Cenedlaethau’r Dyfodol yn genedlaethol, gan gynnwys Fforymau Rhanddeiliaid Cenedlaethol Llesiant Cenedlaethau’r Dyfodol a goruchwylio’r berthynas â Chyrff Cyhoeddus o dan Ddeddf Llesiant Cenedlaethau’r Dyfodol
• Rheoli Busnes y Llywodraeth yn y Senedd yn unol â'r Rheolau Sefydlog
• Darparu'r Datganiad Busnes wythnosol
• Cynrychioli'r Llywodraeth yn y Pwyllgor Busnes
• Prif Chwip y Llywodraeth
• Arwain y gwaith o hyrwyddo datblygu cynaliadwy (yn unol â’r diffiniad yn Neddf Llesiant Cenedlaethau’r Dyfodol) a’r Nodau Datblygu Cynaliadwy
• Byrddau Gwasanaethau Cyhoeddus

Treuliodd Jane rhan o'i phlentyndod yn Uganda a Kenya, a chafodd ei haddysg ym Mhrifysgol Caint, Ysgol Economeg Llundain a Phrifysgol Bryste. Mae hi wedi byw a gweithio yng Nghymru ers 1972.

Roedd Jane yn aelod etholedig o'r hen Gyngor Sir De Morgannwg am 12 mlynedd, a chafodd ei hethol i'r Cynulliad am y tro cyntaf ym 1999. Rhwng 1999 a 2005 hi oedd y Gweinidog Iechyd a Gwasanaethau Cymdeithasol yn Llywodraeth Cymru. Rhwng 2005 a 2007, hi oedd Gweinidog Busnes y Cynulliad a'r Prif Chwip. Yng Nghabinet cyntaf y Trydydd Cynulliad fe'i penodwyd yn Weinidog y Gyllideb a Busnes y Cynulliad.

Yng Nghabinet y glymblaid, a gyhoeddwyd ar 19 Gorffennaf 2007, hi oedd y Gweinidog dros Blant, Addysg, Dysgu Gydol Oes a Sgiliau. Ym mis Rhagfyr 2009, fe'i penodwyd yn Weinidog dros Fusnes a'r Gyllideb, ac yna yn Weinidog Cyllid tan 2016, pan gafodd ei phenodi yn Arweinydd y Tŷ a'r Prif Chwip ar ddechrau'r Bumed Senedd.

Ar 13 Rhagfyr 2018, cafodd Jane ei phenodi yn Ddirprwy Weinidog ac yn Brif Chwip. Penodwyd hi yn Weinidog Cyfiawnder Cymdeithasol ar 13 Mai 2021. Yn Anrhydeddau Pen-blwydd 2023, penodwyd Jane yn Gadlywydd Urdd yr Ymerodraeth Brydeinig (CBE). Ar 21 Mawrth 2024, penodwyd Jane yn Brif Chwip a’r Trefnydd. Penodwyd Jane yn Ysgrifennydd y Cabinet dros Gyfiawnder Cymdeithasol, y Trefnydd a’r Prif Chwip ar 11 Medi 2024.

Mae Jane Hutt yn gymrawd anrhydeddus Prifysgol Metropolitan Caerdydd a Choleg Caerdydd a'r Fro. Mae hi'n dysgu Cymraeg.