Arolwg Cenedlaethol o Sgiliau Oedolion Cymru: 2010

Cynhaliwyd yr arolwg yn ystod 2010, gan asesu sgiliau llythrennedd a rhifedd cyffredinol oedolion (16 i 65 oed) yng Nghymru (drwy gyfrwng y Saesneg), a sgiliau llythrennedd Cymraeg oedolion sy'n siarad Cymraeg yng Nghymru. Cynlluniwyd yr arolygon cymaint ag oedd yn ymarferol bosibl i ailadrodd arolygon tebyg a gynhaliwyd yn 2004/05, er mwyn ystyried newidiadau o ran lefelau sgiliau.

Canlyniadau cyffredinol (o'r arolwg Saesneg)

• Bu gwelliant o ran lefelau llythrennedd: aseswyd bod gan 12% o oedolion lythrennedd Lefel Mynediad neu'n is, gostyngiad o 25% yn 2004.
• Aseswyd bod 29% o oedolion ar Lefel 1 (37% yn 2004) a 59% ar Lefel 2 neu'n uwch (cynnydd o 38% yn 2004).
• Prin yw'r newid o ran lefelau rhifedd: aseswyd bod gan 51% o oedolion rifedd Lefel Mynediad neu'n is, canran debyg i'r 53% yn 2004.
• Aseswyd bod 29% ar Lefel 1 (25% yn 2004) a 21% ar Lefel 2 neu'n uwch (22% yn 2004).
• Roedd lefelau llythrennedd a rhifedd yn uwch ymhlith pobl gyflogedig, y rheini â lefelau incwm uchel yn y cartref, y rheini â chymwysterau uwch, ac ymhlith y grwpiau oedran hŷn.