Monitro'r Cynllun Trafnidaeth Cenedlaethol: 2012

Prif bwyntiau

• Mae 8 allan o 10 taith i'r gwaith yn cael eu gwneud gan ddefnyddio car neu fan. Mae’r ffigwr hwn wedi aros yn gyson am y 10 mlynedd diwethaf.
• Gwnaed ychydig llai na 49 miliwn o deithiau gan ddefnyddio Tocynnau Teithio Bws Rhatach yng Nghymru yn 2012-13.
• Cyflawnwyd pob targed diogelwch ffyrdd a osodwyd yn 2000 erbyn 2010; gyda’r lefel isaf ar gofnod ar gyfer y nifer a gafodd eu lladd neu anafu’n ddifrifol, sef 1,034, yn cael ei adrodd yn 2012.
• Mae nifer y teithwyr ar fysiau yng Nghymru wedi aros yn gyson ar tua 116 miliwn rhwng 2009-10 a 2011-12.
• Mae nifer y teithwyr ar y rheilffyrdd yng Nghymru wedi cynyddu o tua 26 miliwn yn 2009-10 i 27 miliwn yn 2010-11.
• Gostyngodd traffig ar y ffyrdd yng Nghymru o 26.93 biliwn cilomedr cerbyd yn 2011 i 26.76 biliwn cilomedr cerbyd yn 2012, y lefel isaf ers 2003.
• Gostyngodd nifer y teithwyr ar y môr o 2.8 miliwn yn 2011 i 2.6 miliwn yn 2012.
• Gostyngodd nifer y teithwyr awyr ym Maes Awyr Caerdydd o 1.2 miliwn yn 2011 i 1.0 miliwn yn 2012.
• Gostyngodd allyriadau nwyon tŷ gwydr sy'n ymwneud â chludiant fesul 2% rhwng 2010 a 2011.