Addysg Gychwynnol i Athrawon: Medi 2016 i Awst 2017

Gwybodaeth ynglŷn â myfyrwyr sy’n hyfforddi i fod yn athrawon ar gyrsiau addysg gychwynnol i athrawon sy’n arwain at statws athro cymwysedig ar gyfer Medi 2016 i Awst 2017.

Siart yn dangos bod nifer y myfyrwyr blwyddyn gyntaf ar gyrsiau Addysg Gychwynnol i Athrawon (AGA) yng Nghymru yn lleihau. O 2009/10, mae'r nifer ar gyfer athrawon cynradd ac uwchradd yn agos i'w targedau, ond yn 2014/15 mae nifer yr athrawon uwchradd yn cwympo'n ddramatig is na'r targed ac, yn 2015/16, mae nifer yr athrawon cynradd yn dechrau cwympo'n is na'r targed.

Prif bwyntiau

Roedd nifer yr athrawon ysgol uwchradd o dan hyfforddiant a dderbyniwyd dros draean yn is na’r targed yn 2016/17. Roedd nifer yr athrawon ysgol gynradd o dan hyfforddiant a dderbyniwyd wedi aros ychydig yn is na’r targed am yr ail flwyddyn yn olynol.
Y targed ar gyfer cyrsiau cynradd oedd 750 ond dim ond 700 a gofrestrodd. Y targed ar gyfer cyrsiau uwchradd oedd 871 ond dim ond 545 a gofrestrodd.
Bu gostyngiad bychan yn nifer y myfyrwyr sy’n gallu addysgu yn y Gymraeg sef ei bwynt isaf ers 2008/09.
Gwyddoniaeth, Mathemateg, a Saesneg yw’r arbenigeddau pwnc mwyaf cyffredin i fyfyrwyr ar gyrsiau ysgol uwchradd.
Roedd 9 o bob 10 o fyfyrwyr newydd a oedd yn hyfforddi yng Nghymru, yn byw yng Nghymru cyn dechrau ar eu gradd.
Roedd fwy na dwywaith cynifer o fenywod ag o ddynion yn dechrau hyfforddi i fod yn athrawon yn 2016/17.

Adroddiadau