Gwerthusiad o Brosiect Iaith a Chyflawniad Lleiafrifoedd Ethnig

Roedd disgwyl i MELAP gyflawni tri amcan.

1. Codi cyrhaeddiad a mynd i’r afael â risg tangyflawni ymysg grwpiau o bobl ifanc dduon a lleiafrifoedd ethnig (BME).
2. Gwella cyfle cyfartal i bobl ifanc BME o ran cyflogaeth a chyflogadwyedd yn y dyfodol drwy wella’r ymgysylltiad mewn addysg a hyfforddiant.
3. Adeiladu ar systemau monitro a gwerthuso presennol er mwyn mesur yn effeithiol lefelau llwyddiant ac ymgysylltiad disgyblion a dargedwyd i gael cymorth.

Roedd y gwerthusiad yn cynnwys yr agweddau canlynol:

• i ba raddau y mae MELAP wedi bodloni gofynion Gronfa Gymdeithasol Ewrop (ESF)
• asesu pa mor effeithiol y mae MELAP yn bodloni ei nodau, amcanion a thargedau
• enghreifftiau o arferion da wrth ddarparu cymorth i ddisgyblion perthnasol
• nodi’r gwersi a ddysgwyd er mwyn llywio parhad neu bosibilrwydd ehangu’r rhaglen.

Prif bwyntiau

• Tynnodd y gwerthusiad sylw at rai problemau o ran dyluniad a datblygiad y prosiect a arweiniodd at anawsterau i rai awdurdodau lleol wrth ehangu ac addasu eu gweithgareddau.
• Daeth y Gwerthuswyr i’r canlyniad fod cyllid Cronfa Gymdeithasol Ewrop (ESF) wedi galluogi mwy o ddisgyblion i gael cymorth a bod dulliau ychwanegol o gymorth wedi’u darparu.
• Mae’r dystiolaeth yn awgrymu bod MELAP wedi cyfrannu at gynnydd yng nghyrhaeddiad addysgol disgyblion sydd ag anghenion Saesneg fel Iaith Ychwanegol (EAL).