Nifer yr achosion o dwbercwlosis (TB) mewn gwartheg ym Mhrydain Fawr: Medi 2018

Nifer y buchesi ag achosion newydd o TB

• Yn y 12 mis hyd at fis Medi 2018, cofnodwyd 751 o fuchesi ag achosion newydd o TB yng Nghymru.
• Dyma ostyngiad o 3% o’i gymharu â’r 12 mis blaenorol pan gofnodwyd 778 o achosion.
• Mae’r duedd gyffredinol ers 2009 yn fras am i lawr. Er hynny, nid yw’n gyson a chafwyd cyfnodau pan fu’r duedd ar i fyny a chyfnodau pan fu’r duedd am i lawr.

Anifeiliaid gafodd eu difa i reoli TB

• Yn y 12 mis hyd at fis Medi 2018, cafodd 9,965 o wartheg eu lladd i reoli TB Gwartheg.
• Dyma gynnydd o 3% o’i gymharu â’r 12 mis blaenorol pan gafodd 9,703 o wartheg eu lladd.
• Mae’r duedd gyffredinol yn amrywio. Gellir priodoli llawer o’r cynnydd diweddar ers 2014 i’r defnydd cynyddol o brofion sensitif iawn. Er enghraifft, mae profion gama, gwaredu Adweithyddion Amhendant a dehongli manwl o’r prawf croen oll wedi’u defnyddio er mwyn ceisio gwaredu heintiau a lleihau’r perygl y gallai’r clefyd ledu ac y gallai achosion o’r clefyd ddigwydd eto.