Skip to content
Cofrestrwch ar gyfer y canlynol: Cylchlythyr | Newyddion

Cyhoeddi enw enillydd Cystadleuaeth Cerdyn Nadolig y Prif Weinidog

Bu’r Prif Weinidog, Carwyn Jones yn ymweld ag Ysgol Gynradd Llanyrafon yng Nghwmbrân i gyhoeddi enw enillydd ei gystadleuaeth Cerdyn Nadolig.
Dydd Iau 07 Rhagfyr 2017

Cafwyd bron i 800 o gardiau yn y gystadleuaeth eleni, gan ddisgyblion blynyddoedd 3 a 4 ledled Cymru.

Yr enillydd yw Luca Tahanha, disgybl yn Ysgol Gynradd Llanyrafon. Roedd y llun ar y cerdyn wedi ei dynnu â llaw, ac yn dangos Sïon Corn yn hedfan dros y Senedd, cartref y Cynulliad ym Mae Caerdydd.

Dewiswyd y llun gan y Prif Weinidog a bydd yn cael ei ddefnyddio fel ei Gerdyn Nadolig Swyddogol yn 2017. Bydd y cerdyn yn cael ei anfon at bobl ledled Cymru a thros y byd.

Yn ystod ei ymweliad cyflwynodd y Prif Weinidog gopi o’r llun wedi’i lofnodi a’i fframio i Luca, ac yna cynhaliwyd gwasanaeth Nadolig yn yr Ysgol.

Dywedodd y Prif Weinidog:

“Roeddwn wedi rhyfeddu at y cannoedd o luniau a ddaeth ar fy nesg i yn sgil y gystadleuaeth eleni. Roedd rhywbeth am lun Luca a ddaliodd fy llygaid. Dwi’n siŵr y bydd llun o Santa yn gwibio trwy’r awyr uwchben adeilad nodweddiadol y Senedd yn destun sgwrs yn nhai pob un sy’n rhoi’r cerdyn ar y silff ben tân eleni.

“Hoffwn ddiolch i bawb am roi tro arni eleni a Nadolig Llawen iawn i chi i gyd.”

Dywedodd Pennaeth Ysgol Gynradd Llanyrafon, Mr Wayne Jones:

“Roeddwn wrth fy modd pan ges i wybod bod Luca wedi ennill y gystadleuaeth. Rwy’n gwybod bod pob disgybl wedi cael hwyl yn cymryd rhan. Roedden ni mor falch o gael y cyfle i groesawu’r Prif Weinidog i’n hysgol.”

 

Rhannu

Delicious
Delicious
Digg
Digg
reddit
reddit
Facebook
Facebook
 
Ynglyn a nodi tudalennau cymdeithasol

Perthnasol

Tagiau

Prif Weinidog Cymru 07 Rhagfyr 2017 Y Canolbarth Y Gogledd Y De-ddwyrain Y De-orllewin
 
 

Newyddion yn ôl dyddiad

 
Mai 2018
Ll M M I G S S
<< Ebr    
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      
I'n dilyn ni trowch i