Mynegai Amddifadedd Lluosog Cymru (diweddariad llawn i’r mynegai gyda graddfeydd): 2019

Mae’r adnodd rhyngweithiol MALlC 2019 yn ffordd wych i weld ystadegau amddifadedd ar gyfer ardaloedd bach yng Nghymru (o'r enw Ardaloedd Cynnyrch Ehangach Haen Is neu ACEHI yn fyr).

Ceir rhagor o wybodaeth am MALlC 2019 ar ein tudalen canllawiau i’r mynegai.

Ers rhyddhau Mynegai MALlC 2019 ym mis Tachwedd 2019, rydym wedi cyhoeddi data a dadansoddiadau ychwanegol, gan gynnwys ar amddifadedd hirsefydlog, dadansoddiad o nodweddion gwarchodedig yn ôl amddifadedd ardal a chyfrif o bobl mewn amddifadedd incwm a chyflogaeth. Rydym hefyd wedi cyhoeddi blog data ar sut mae MALlC 2019 yn ein helpu i dynnu sylw at anghydraddoldeb, flwyddyn yn ddiweddarach.

I gael rhagor o fanylion am adnoddau cyhoeddedig ac arfaethedig MALlC 2019, gweler ‘MALlC 2019 amserlen o allbynnau’.

Mae'r 'Mynegeion Amddifadedd 2019: meysydd incwm a chyflogaeth wedi'u cyfuno ar gyfer Cymru a Lloegr' Ystadegau Gwladol wedi'u cyhoeddi ar gov.uk. Mae'r allbynnau'n cynnwys taenlen o gyfraddau a safleoedd amddifadedd incwm a chyflogaeth ar gyfer ardaloedd bach ledled Cymru a Lloegr, yn 2015-16. Mae'r data'n wahanol ac yn atodol i'r mesurau swyddogol ar wahân o amddifadedd cymharol yng Nghymru a Lloegr.