Mynegai Amddifadedd Lluosog Cymru: canllawiau i’r mynegai

Cyhoeddwyd MALlC 2019 ar 27 Tachwedd 2019. Mae MALlC yn gynnyrch cymhleth ac rydym yn awyddus i sicrhau ei fod yn cael ei ddefnyddio a’i dehongli yn gywir gan bob defnyddiwr.

Beth yw Mynegai Amddifadedd Lluosog Cymru a sut y dylid ei ddefnyddio?

Cafodd dadansoddiad newydd o amddifadedd hirsefydlog ei gynnwys yn adroddiad canlyniadau MALlC 2019.

Mae ardaloedd bach (ACEHI) o amddifadedd 'hirsefydlog' yn ardaloedd sydd wedi aros ymhlith y 50 o ardaloedd mwyaf difreintiedig, sy'n cyfateb yn fras i'r 2.6% uchaf o ardaloedd bach yng Nghymru ar gyfer y pum fersiwn ddiwethaf o safleoedd MALlC (sef MALlC 2005, 2008, 2011, 2014 a 2019). Mae'r data sy'n sail i'r dadansoddiad hwn wedi eu cyhoeddi ar wefan StatsCymru, ynghyd â chanllawiau ar sut i ddefnyddio'r data, a sut i beidio â'u defnyddio.

Mae'r data hyn wedi cael eu darparu i helpu defnyddwyr i nodi pa ardaloedd sydd wedi gadael, ymuno neu aros yn y grŵp mwyaf difreintiedig. Fodd bynnag, dylid bod yn ofalus wrth ddefnyddio safleoedd i awgrymu newid dros amser. Mae'r rhesymau am hyn yn cynnwys newidiadau i ffiniau daearyddol ACEHIau a newidiadau i gynllun y mynegai rhwng fersiynau. I gael rhagor o wybodaeth am newidiadau i fynegai dros amser, gweler y Crynodeb o newidiadau MALlC isod.

Nodwch hefyd fod MALlC yn mesur amddifadedd cymharol, ac felly nid yw'n dangos lefel amddifadedd mewn ardaloedd bach na sut y mae hyn wedi newid dros amser. I gael rhagor o fanylion, gweler y daenlen ddata sy'n sail i'r dadansoddiad o amddifadedd hirsefydlog ar wefan MALlC 2019 neu ar StatsCymru.

Cyhoeddwyd MALlC 2019 ar 27 Tachwedd 2019.

Ym mis Hydref, fe gyhoeddon ni flog i’ch diweddaru ar y gwaith datblygu, yn ogystal ag amserlen o allbynnau a gynlluniwyd.

Ar 10f Ebrill cyhoeddwyd y dogfennau Crynodeb o'r ymatebion, ac Ymatebion llawn sy'n ymwneud ag ein hymgynghoriad ar ddangosyddion arfaethedig ar gyfer Mynegai Amddifadedd Lluosog Cymru 2019.

Mae'r chwiliadau cod post isod yn eich galluogi i benodi unrhyw ddata cod post sydd gennych i ddata MALlC a grwpiau daearyddiaeth amrywiol.

Cyfres o bapurau technegol yn ymwneud â datblygu MALLC 2014.