Mae Llywodraeth Cymru wedi cyhoeddi bod Theodore Joloza a Julie May wedi cael eu hailbenodi fel aelodau i'r Comisiwn Ffiniau a Democratiaeth Leol Cymru.

Cyhoeddwyd gyntaf:
29 Awst 2018
Diweddarwyd ddiwethaf:

Rhannu’r dudalen hon

Meddai Alun Davies:

"Rwy'n falch o gyhoeddi ailbenodi Theodore Joloza a Julie May.

"Bydd yr ailbenodiadau hyn yn sicrhau bod y sgiliau a'r arbenigedd angenrheidiol yn y Comisiwn wrth iddi barhau i adolygu holl ardaloedd llywodraeth leol yng Nghymru, a threfniadau etholiadol prif gynghorau, ac i wneud cynigion i Lywodraeth Cymru, a ystyrir yn ddymunol er budd llywodraeth leol effeithiol a chyfleus.

"Bydd Mr Joloza a Mrs May yn parhau i ddod â phrofiad gwerthfawr i'r rolau."

Mae'r ailbenodiadau wedi'u gwneud yn unol â'r Cod Llywodraethu ar gyfer Penodiadau Cyhoeddus a byddant yn cychwyn ar 1 Medi 2018 am dymor o dair blynedd.

Fel aelodau, telir ffi ddyddiol o £198 i Mr Joloza a Mrs May gydag ymrwymiad amser o 2-3 diwrnod y mis.