Llif cyflogaeth crynswth (neu tro cyflogaeth) ar gyfer Cymru: 2011 i 2014

Gwybodaeth am nifer y swyddi sydd wedi'u creu a'u colli. Mae'r canlyniadau wedi'u rhannu fesul diwydiant, a rhwng y sectorau preifat a chyhoeddus.

Mae swyddi yn cael eu creu a’u colli drwy’r amser yn economi Cymru. Mae hyn yn digwydd wrth i rai busnesau ehangu ac wrth i rai eraill leihau. Mae’n digwydd wrth i fusnesau newydd gychwyn yng Nghymru, neu gyrraedd Cymru, am y tro cyntaf; tra bod eraill yn gadael yn sydyn neu’n diflannu dros amser. Y gwahaniaeth rhwng y prosesau hyn o greu swyddi a cholli swyddi, neu dro cyflogaeth, yw’r cynnydd (neu ostyngiad) net mewn cyflogaeth yn economi Cymru.

Mae’r erthygl hon yn darparu’r dystiolaeth ddiweddaraf am y newidiadau hyn mewn cyflogaeth yng Nghymru. Y nod yw darparu persbectif ar gyfer barnu unrhyw drafodaeth am swyddi a grëwyd a chollwyd yng Nghymru. Mae’n seiliedig ar ddadansoddiad manwl o ddarnau o’r Gofrestr Ryngadrannol Busnes (IDBR), a gynhelir gan y Swyddfa Ystadegau Gwladol (SYG).

Adroddiadau