Lefelau’r Dreth Gyngor: Ebrill 2024 i Fawrth 2025

Prif bwyntiau

• Treth cyngor band D i Gymru ar gyfer 2023-24 yw £2,024 ar gyfartaledd. Mae hyn yn cynnwys £1,631 ar gyfer cynghorau sir, £348 ar gyfer awdurdodau’r heddlu a £46 ar gyfer cynghorau cymuned. Mae ffigurau Band D ar gyfer awdurdodau bilio, gan gynnwys yr heddlu a chynghorau cymunedol, yn amrywio o £1,813 yng Nghaerffili i £2,329 ym Merthyr Tudful.
• Codiadau cynghorau sir ym mand D y dreth gyngor ar gyfer 2024-25 yw £122 ar gyfartaledd, neu 7.8% yn uwch na’r flwyddyn flaenorol. Codiadau’r heddlu yw £23 ar gyfartaledd, neu 7.1%. Mae’r codiadau hyn yn cyfuno i greu codiad band D o £145 ar gyfartaledd, neu 7.7%.
• Sir Benfro sydd â’r codiad canrannol band D uchaf o 11.2%. Torfaen sydd â’r codiad canrannol band D isaf o 5.4%.
• Heddlu De Cymru sydd â’r cynnydd mwyaf ym mand D o 8.7%. Heddlu Gogledd Cymru sydd â’r cynnydd lleiaf ym mand D o 5.0%.
• Yn Lloegr, amcangyfrifir mai codiad cyfartalog Band D yw 5.1%.
• Ar gyfartaledd, mae’r dreth gyngor band D yng Nghymru tua 93% o’r ffigur diweddaraf o £2,171 a amcangyfrifir ar gyfer Lloegr.