Ken Skates AS Gweinidog yr Economi, Trafnidiaeth a Gogledd Cymru

Cafodd Ken Skates ei eni yn Wrecsam ym 1976 a’i addysgu yn Ysgol Alun, yr Wyddgrug. Aeth ymlaen i astudio Gwyddor Cymdeithasol a Gwleidyddol ym Mhrifysgol Caergrawnt.

Yn ei amser rhydd, mae’n mwynhau rhedeg, nofio, heicio a golff yn ogystal â’i ddiddordeb mewn garddio, celf a dylunio pensaernïol.

Arferai Ken fod yn newyddiadurwr ac roedd yn gynorthwyydd i Mark Tami AS.

Yn 2008, cafodd ei ethol yn gynghorydd cymuned. Mae diddordebau Ken yn cynnwys gweithgynhyrchu, iechyd meddwl, chwaraeon a hamdden, dileu tlodi ac economi wleidyddol. Mae ei ddiddordebau gwleidyddol yn cynnwys hyfforddiant sgiliau, twristiaeth, diogelu’r amgylchedd, iechyd meddwl, chwaraeon a ffitrwydd a chynhwysiant cymdeithasol.

Ym Mis Mehefin 2013, penodwyd Ken Skates yn Dirprwy Weinidog Sgiliau a Thechnoleg. Ym Mis Medi 2014, penodwyd Ken yn Dirprwy Weinidog Diwylliant, Chwaraeon a Thwristiaeth. Ym mis Mai 2016 penodwyd yn Ysgrifennydd y Cabinet dros yr Economi a’r Seilwaith.

Penodwyd Ken yn Ysgrifennydd y Cabinet dros yr Economi a Thrafnidiaeth ar 3 Tachwedd 2017. Cafodd Ken ei ethol yn Gweinidog yr Economi a Thrafnidiaeth ar 13 Rhagfyr 2018.

• Gweinidog y Gogledd a Chadeirydd Pwyllgor Sefydlog y Cabinet ar y Gogledd
• Darparu cymorth a chyngor i helpu busnesau i sefydlu, tyfu, neu ddatblygu
• Cefnogaeth ar gyfer Mewnfuddsoddi
• Entrepreneuriaeth, menter a gwybodaeth fusnes
• Banc Datblygu Cymru
• Banc Cymunedol
• Paneli Cynghori Economaidd
• Cyngor Datblygu'r Economi a’r Grŵp Strategaeth Partneriaeth Gymdeithasol
• Bargeinion Dinesig Caerdydd, y Gogledd a Bae Abertawe 
• Symleiddio ac integreiddio gwasanaethau sgiliau busnes a datblygu busnes
• Cydlynu mesurau trawsbynciol i hyrwyddo ffyniant a threchu tlodi
• Rheoli asedau eiddo dan berchnogaeth Llywodraeth Cymru sy'n ymwneud â datblygu economaidd
• Trafnidiaeth Cymru
• Polisi Trafnidiaeth
• Ffyrdd, gan gynnwys adeiladu, gwella a chynnal y traffyrdd a'r cefnffyrdd
• Gwasanaethau trên drwy gyfrwng masnachfraint Cymru a'r Gororau
• Polisi ar borthladdoedd
• Polisi Gyrfaoedd a noddi Careers Choices Dewis Gyrfa
• Polisi ar Brentisiaethau, a chyflenwi hynny
• Polisi ar gyflogadwyedd pobl ifanc ac oedolion, gan gynnwys Twf Swyddi Cymru, Sgiliau Hanfodol ar gyfer Oedolion mewn Gwaith a'r Porth Sgiliau, a chyflenwi'r rhaglenni hynny
• Darparwyr dysgu seiliedig ar waith
• Sgiliau sector, gan gynnwys strategaethau, cronfeydd datblygu a Bwrdd Cyflogaeth a Sgiliau Cymru 
• Datblygu sgiliau'r gweithlu, gan gynnwys cyllid craidd Cronfa Ddysgu Undeb Cymru ar gyfer Cymru, gwasanaethau addysg a dysgu'r TUC
• Rhaglenni Ewropeaidd mewn perthynas â sgiliau a chyflogaeth, ac eithrio Cronfeydd Strwythurol yr UE
• Partneriaeth Sgiliau Rhanbarthol
• Safonau Galwedigaethol Cenedlaethol
• Cynnal fframwaith rheoleiddio modern sy'n cefnogi arferion busnes cyfrifol, twf a chystadleurwydd. 
• Yr economi sylfaenol 
• Swyddi Gwell yn Nes Adref
• Cyflog Byw
• Menter Gymdeithasol a'r economi gymdeithasol
• Economi gydweithredol
• Seilwaith cysylltedd digidol, gan gynnwys Cydgasglu Band Eang y Sector Cyhoeddus, band eang cyflym a'r rhwydwaith symudol
• Manteision Seilwaith Digidol a Deallusrwydd Artiffisial i Fusnesau
• Teithio llesol
• Diogelwch ar y ffyrdd; llwybrau mwy diogel i'r ysgol; cludiant ar gyfer plant a phobl ifanc; rheoleiddio croesfannau i gerddwyr a pharcio ar y stryd 
• Rhaglen a Thasglu'r Cymoedd
• Prosiect y Cymoedd Technoleg
• Cyfathrebu Strategol