Iechyd synhwyraidd (ystadegau gofal llygaid a chlyw): Ebrill 2017 i Fawrth 2019

Colli golwg

• Gofynnodd Arolwg Cenedlaethol Cymru ar gyfer 2018-19 pa mor aml cafodd yr ymatebwyr prawf llygaid. Dywedodd 73% o oedolion 16 oed neu hŷn eu bod yn profi eu llygaid o leiaf unwaith bob dwy flynedd.

Gwasanaethau gofal sylfaenol llygaid

• Yn ystod 2018-19, talodd y GIG am 795,188 o brofion golwg y Gwasanaeth Offthalmig Cyffredinol, cynnydd o 0.6% ar y flwyddyn flaenorol.
• Cafodd 184,366 o archwiliadau llygaid eu cynnal gan Archwiliadau Iechyd Llygaid Cymru yn ystod yr un flwyddyn.
• O’r 114,309 o gleifion a sgriniwyd (â’r canlyniadau wedi’i adrodd) gan y Gwasanaeth Llygaid Sgrinio Diabetig Cymru yn 2017-18, roedd gan 28.9% ohonynt rywfaint o retinopatheg diabetig (Ni allai graddio nifer fechan ohonynt) .

Gwasanaethau llygaid ysbyty

• Cafwyd 322,744 o dderbyniadau i apwyntiadau offthalmig cleifion allanol yn ysbytai Cymru yn 2017-18.
• Cafodd y Byrddau Iechyd 91,846 o atgyfeiriadau ar gyfer offthalmoleg yn 2016-17, 31,824 ohonynt gan feddygon teulu.

Adsefydlu

Gwasanaeth Golwg Gwan

• Cynhaliwyd 9,183 o asesiadau gan Wasanaeth Golwg Gwan Cymru.

Pobl sydd newydd gael eu hardystio â/neu cofnodi â nam difrifol ar y golwg, neu nam ar y golwg

• Ar 31 Mawrth 2018, roedd dros 15,000 o bobl wedi eu cofnodi â nam ar y golwg, ac o’r rhain cofnodwyd tua hanner â nam difrifol ar y golwg, a hanner â nam ar y golwg.
• Cafodd 1,455 o bobl eu hardystio o’r newydd â nam ar y golwg yn 2017-18; roedd dros 52% o’r rhain yn 80 oed a throsodd.

Gweithlu

• Roedd 875 o ymarferwyr yn cynnal profion golwg y talwyd amdanynt gan y GIG ar 31 Rhagfyr 2018, 34 yn fwy na'r flwyddyn flaenorol a chynnydd o 19.2% ers mis Rhagfyr 2008.
• Ar 30 Medi 2018 roedd 133.9 o feddygon offthalmoleg cyfwerth ag amser llawn yn cael eu cyflogi’n uniongyrchol gan y GIG yng Nghymru.

Clyw

• Cofnododd Arolwg Cenedlaethol Cymru bod 19% o oedolion yn dweud bod ganddynt anawsterau gyda’u clyw yn 2018-19
• Ar 31 Mawrth 2019, doedd dim un claf wedi aros am gymorth clyw am fwy na’r targed o 14 wythnos.
• Ar 30 Medi 2018 roedd 117.0 o feddygon otolaryngoleg cyfwerth ag amser llawn yn cael eu cyflogi’n uniongyrchol gan y GIG yng Nghymru.