Gwiriwch a ydy’ch plentyn yn gymwys a hawliwch help

Prydau Ysgol am Ddim i Holl Blant Ysgolion Cynradd

Gall pob plentyn mewn ysgol gynradd nawr fwynhau prydau ysgol am ddim.

Hyd yn oed os yw’ch plentyn yn derbyn Prydau Ysgol am Ddim i Holl Blant Ysgolion Cynradd, mae dal rhaid i chi wirio os ydyn nhw’n gymwys i dderbyn y Grant Hanfodion Ysgol.

Grant Hanfodion Ysgol

Mae’n bosib fod eich plentyn yn gymwys i hawlio help ariannol o hyd at £200 ar gyfer:

• gwisg ysgol, gan gynnwys cotiau ac esgidiau
• gweithgareddau ysgol: gall hyn fod yn dysgu offeryn cerdd, cit chwaraeon ac offer ar gyfer gweithgareddau ar ôl ysgol
• hanfodion dosbarth, fel beiros, pensiliau a bagiau

Cinio Ysgol am Ddim

Ysgol uwchradd

Os ydych chi’n hawlio rhai budd-daliadau neu os yw’ch amgylchiadau ariannol wedi newid yn ddiweddar, gwiriwch a ydych chi’n gymwys i dderbyn Cinio Ysgol am Ddim a’r Grant Hanfodion Ysgol ac arian ychwanegol ar gyfer eich ysgol.

Ysgol gynradd

Hyd yn oed os yw’ch plentyn eisoes yn derbyn Prydau Ysgol am Ddim i Holl Blant Ysgolion Cynradd, mae dal angen i chi wirio a ydych yn gymwys i dderbyn cefnogaeth ychwanegol, megis y Grant Hanfodion Ysgol ac arian ychwanegol ar gyfer eich ysgol.

Cefnogaeth i chi a chyllid i'ch ysgol

Pan fyddwch yn cofrestru ar gyfer Cinio Ysgol am Ddim, gallai eich ysgol gael cyllid ychwanegol.

Dysgwch fwy am y cyllid ychwanegol sydd ar gael i’ch ysgol drwy’r Grant Datblygu Disgyblion.

Hawlio help ychwanegol gyda chostau byw

Dysgwch fwy am yr help a’r cyngor sydd ar gael i’ch helpu gyda’r costau byw uwch.