Gynllun Gweithredu LHDTC+ Cymru: asesiad gwerthusadwyedd

Prif ganfyddiadau

Wrth fynd ati i werthuso Cynllun Gweithredu LHDTC+, argymhellir gwerthuso’r broses a chynnal gwerthusiad damcaniaethol o’r effaith, gan ganolbwyntio ar ansawdd.

Negeseuon pwysig

Dylid cynnal gwerthusiad o’r broses yn brydlon fel y gellir gweithredu unrhyw argymhellion i gynyddu effaith Cynllun Gweithredu LHDTC+. 

Dylai’r gwerthusiad o’r effaith gynnwys proses casglu data cychwynnol yn y lle cyntaf, ac yna proses casglu data pellach a gwerthusiad ymhen rhai blynyddoedd. Bydd hyn yn ei gwneud yn bosibl mesur unrhyw newid graddol yng nghanfyddiadau a phrofiadau pobl. 

Crewyd Damcaniaeth Newid. Mae hyn yn tynnu sylw at ragdybiaethau allweddol ynghylch sut bydd gweithgareddau yn arwain at allbynnau, canlyniadau ac effeithiau, yn ogystal â risgiau posibl. Bydd angen diweddaru’r Ddamcaniaeth Newid wrth i allbynnau neu ganlyniadau newydd ddod i’r amlwg.

Ar hyn o bryd, ychydig yw’r data meintiol y gellir eu defnyddio i fesur canlyniadau ac effaith Cynllun Gweithredu LHDTC+. Mae angen gwella swmp ac ansawdd y data er mwyn dadansoddi’r bobl hynny y mae elfennau croestoriadol i’w hunaniaeth, er enghraifft ymchwilio i brofiadau pobl Ddu LHDTC+ a phobl anabl LHDTC+.

Ni chynghorwyd defnyddio technegau arbrofol neu led-arbrofol ar gyfer gwerthusiad effaith oherwydd pryderon moesegol a’r ffaith y byddai’r data dan sylw yn gyfyngedig.

Diystyrwyd rhai dulliau damcaniaethol o werthuso effaith oherwydd y gofynion ar randdeiliaid. Hefyd, nid oedd y dulliau hyn yn gallu darparu ar gyfer cymhlethdodau Cynllun Gweithredu LHDTC+ Cymru.

Ni argymhellwyd gwerthusiad economaidd. Y rheswm am hyn oedd diffyg data i gyfrifo canlyniadau yn ariannol, a chymhlethdod meintioli profiadau LHDTC+.