Prosiect Canolfan Gwobr Agored: Dan Rogers a Sarann West, Gwasanaeth Cymorth Ieuenctid Sir Gaerfyrddin
Teilyngwr
![Carmarthenshire Youth Support Service Open Award Centre](/sites/default/files/campaign-case-studies/2021-11/Carmarthenshire%20Youth%20Support%20Service%20Open%20Award%20Centre%20Project%20-%20Dan%20Rogers%20%26%20Sarann%20West%20960%20x%20450.jpg)
Gwasanaeth Cymorth Ieuenctid Sir Gaerfyrddin (CYSS) yw'r mudiad trwyddedig ar gyfer gweithgareddau Dug Caeredin (DoE) yn Sir Gaerfyrddin, lle mae ysgolion yn cynnig y wobr. Mae gan CYSS Weithwyr Ieuenctid yn yr Ysgol ym mhob ysgol uwchradd, gan gynnwys Heol Goffa. Ysgol i bobl ifanc ag Anghenion Dysgu Ychwanegol (ADY) a'r rheini ag anableddau corfforol a meddyliol amrywiol yw Heol Goffa. Yn draddodiadol, mae'r bobl ifanc wedi gallu cyrchu cyfleoedd Dug Caeredin Efydd yn unig drwy'r ysgol. Trwy weithio mewn partneriaeth a chefnogaeth barhaus CYSS, llwyddodd Heol Goffa i ymestyn ei gynnig i gynnwys gwobrau Arian ac Aur. Agorodd y Prosiect Canolfan Gwobr Agored, dan arweiniad gweithwyr ieuenctid, y drysau i staff yr ysgol, pobl ifanc a gweithwyr ieuenctid allu archwilio, cymryd rhan ac ehangu profiadau mewn perthynas â'r wobr a darparodd llu o brofiadau personol, cymdeithasol ac addysgol ychwanegol a chyfleoedd i'r bobl ifanc, yn eu cymunedau lleol ac ymhellach i ffwrdd.
Mae'r prosiect wedi cael gwared ar y rhwystrau sy'n wynebu pobl ifanc ag ADY ac anableddau corfforol/meddyliol rhag cyrchu cyfleoedd i gwblhau eu dyfarniad Dug Caeredin ar bob lefel ar yr un lefel â'u cyfoedion.
Bu'r panel beirniadu nodi sut mae ethos y prosiect hwn wedi llwyddo i ymgorffori egwyddorion, dibenion ac ymagweddau gwaith ieuenctid ochr yn ochr â fframwaith addysgol lleoliad ysgol ffurfiol. Fe'i hystyrir yn enghraifft wirioneddol wych o waith ieuenctid sy'n sicrhau bod cyfleoedd i bobl ifanc yn hygyrch ac yn gynhwysol.