Neidio i'r prif gynnwy

Mae Gwobrau Prentisiaethau Cymru’n cydnabod llwyddiant unigolion, cyflogwyr ac ymarferwyr dysgu seiliedig ar waith mewn 9 dosbarth gwahanol.

Categorïau

Bydd Gwobrau Prentisiaethau Cymru’n cydnabod llwyddiant unigolion, cyflogwyr ac ymarferwyr dysgu seiliedig ar waith mewn 9 dosbarth gwahanol.

Prentisiaethau – Dysgwr

  • Prentis Sylfaen y Flwyddyn
  • Prentis y Flwyddyn
  • Prentis Uwch y Flwyddyn
  • Doniau Yfory

Prentisiaethau – Cyflogwr

  • Cyflogwr Bach y Flwyddyn (1-49 o weithwyr)
  • Cyflogwr Canolig y Flwyddyn (50-249 o weithwyr)
  • Cyflogwr Mawr y Flwyddyn (250-4999 o weithwyr)
  • Macro-gyflogwr y Flwyddyn (5000+ o weithwyr)

Ymarferydd Dysgu Seiliedig ar Waith

  • Ymarferydd y Flwyddyn Dysgu Seiliedig ar Waith

Yn ogystal â’r gwobrau yn y dosbarthiadau uchod, mae’r Beirniaid yn cadw’r hawl i roi Gwobr Cydnabyddiaeth Arbennig y Beirniaid gyda’r nod o gydnabod rhagoriaeth mewn unrhyw agwedd ar gyflenwi rhaglenni Cyflogadwyedd a Phrentisiaethau nad yw’n dod yn uniongyrchol o dan Feini Prawf y Gwobrau.

Dyddiadau allweddol

28 Mawrth 2022 – Dechrau’r cyfnod ymgeisio

20 Mai 2022 – dyddiad cau

Hydref 2022 – Cyhoeddi'r rhestr fer

Tachwedd 2022 – Seremoni Wobrwyo

Amodau a thelerau ymgeisio

  • Rhaid cyflwyno pob ffurflen gais erbyn 12 o’r gloch, hanner dydd, Amser Haf Prydain (BST) ar 20 Mai 2022. Sylwch: Caiff y ffurflenni cais eu tynnu oddi ar lein yn awtomatig ar yr amser uchod a bydd unrhyw ddolenni a anfonwyd atoch cyn hynny yn stopio gweithio.
  • Dim ond un ffurflen gais y cewch ei hanfon ar gyfer pob ymgeisydd; ni fydd unrhyw geisiadau dilynol a anfonir ar gyfer yr ymgeisydd hwnnw yn cael eu derbyn.
  • Bydd angen i’r rhai sy’n cyrraedd y rownd derfynol sicrhau eu bod ar gael at ddibenion cyhoeddusrwydd (ffotograffau, ffilmio a datblygu astudiaethau achos) lle bo’n briodol a bod modd gwneud hynny’n ddiogel, drwy gydol mis Gorffennaf, mis Awst a mis Medi 2022.
  • Bydd angen i’r rhai sy’n cyrraedd y rownd derfynol sicrhau eu bod yn gallu cymryd rhan mewn Seremoni Wobrwyo ym mis Tachwedd. Os bydd amgylchiadau annisgwyl yn codi, gall cynrychiolydd gymryd rhan yn lle’r cystadleuydd.
  • Mae penderfyniad y Beirniaid yn derfynol ac ni fyddant yn cymryd rhan mewn gohebiaeth na thrafodaethau.