Dylan Buller

Mae Dylan yn berson ifanc sydd weid trawsnewid ei fywyd yn yr Uned Troseddwyr Ifanc Carchar EF Parc, trwy gymryd rhan mewn rhaglenni addysgol a gweithgareddau buddiol eraill.

Daeth Dylan i'r Parc yn 16 oed. Ar ôl mynd i lawr y llwybr anghywir bu’n rhaid iddo dreulio dedfryd o garchar. Ac yntau wedi ei wahardd o'r ysgol brif ffrwd a’r Uned Cyfeirio Disgyblion, fe wnaeth Dylan gydnabod bod hwn yn gyfle i ddechrau o'r newydd a gwella ei hun.

Yn ystod ei gyfnod yn y Parc llwyddodd Dylan i drawsnewid ei fywyd drwy weithio gyda'r staff a'r elusen Dallaglio Rugby Works. Oherwydd ei angerdd dros chwaraeon cafodd Dylan ennill sgiliau hyfforddi, mentora, cyfathrebu a gwaith tîm.

Mae Dylan hefyd wedi bod yn sbardun ar gyfer gweithgareddau newydd i bobl ifanc yn y Parc, e.e. gofal anifeiliaid, garddio, ffotograffiaeth a cherddoriaeth. A gyda Dallaglio Rugby Works mae Dylan yn cynnal sesiynau ffitrwydd a chwaraeon i'w gyfoedion.

Ar ôl cael ei ryddhau o’r Parc mae, Dylan yn dysgu i ddod yn hyfforddwr rygbi cymwys. Mae bellach yn gweithio gyda phobl ifanc eraill yn y gymuned, gan eu helpu i aros allan o drwbwl. Mae Dylan wedi goresgyn rhwystrau ei gefndir. Mae'n ysbrydoliaeth i lawer, gan ddangos penderfyniad ac ymrwymiad eithriadol.