Gwneud Cais i Gronfa Diwylliant Cymru Wrth-hiliol 2025 i 2026

Mae cyllid refeniw o rhwng £10,000 a £20,000 ar gael rhwng canol Gorffennaf 2025 a chanol Mawrth 2026. Bydd cyllid o hyd at £25,000 yn cael ei ystyried ar gyfer ceisiadau eithriadol a chymhellol. 

Mae'r grant refeniw yn helpu sefydliadau cymwys i gefnogi'r gwaith o gyflawni'r nodau a'r camau gweithredu diwylliannol yng Nghynllun Gweithredu Cymru Wrth-hiliol. Mae enghreifftiau’n cynnwys:

• rhaglen hyfforddi / mentora gwrth-hiliaeth ar gyfer arweinwyr ac aelodau bwrdd
• mentrau i wneud aelodaeth y bwrdd yn fwy amrywiol
• datblygu pecyn cymorth a hyfforddiant i wella arferion recriwtio i gefnogi ceisiadau gan bobl Ddu, Asiaidd ac Ethnig Leiafrifol
• cefnogi rhaglenni a gynlluniwyd ar y cyd rhwng cyrff cenedlaethol a sefydliadau sydd dan arweiniad pobl Ddu, Asiaidd ac Ethnig Leiafrifol
• sefydlu canolfan meithrin gallu rhanbarthol i gefnogi mynediad at gyllid a thwf sefydliadau sydd dan arweiniad pobl Ddu, Asiaidd ac Ethnig Leiafrifol
• defnyddio a rheoli casgliadau presennol a/neu archifau ac arteffactau newydd er mwyn gwella mynediad, gwella dealltwriaeth neu chwalu rhwystrau i bobl Ddu, Asiaidd ac Ethnig Leiafrifol.
• ymchwil
• gwaith ymgysylltu ac allgymorth gyda phobl Ddu, Asiaidd ac Ethnig Leiafrifol er mwyn adolygu prosesau a systemau yn ogystal â datblygu rhaglenni gwaith newydd

Er mwyn gwneud cais am gyllid, dylech:

• fod yn sefydliad sector lleol sydd wedi'i leoli yng Nghymru / gweithio gyda sefydliadau perthnasol sydd wedi'u lleoli yng Nghymru, neu sy'n gweithredu yma.
• fod yn gweithredu yn y sectorau Diwylliant, y Celfyddydau, Amgueddfeydd, Archifau, Llyfrgelloedd neu Dreftadaeth / gyda phrofiad o ymgysylltu neu gyflawni yn y sectorau hyn.
• yn gallu cwblhau eich prosiect erbyn 20 Mawrth 2026 a hawlio erbyn 25 Mawrth 2026.

Dylai'r model darparu gwasanaeth:

• gyflawni nodau a chamau gweithredu diwylliannol Cynllun Gweithredu Cymru Wrth-hiliol.
• bodloni pob un o'r meini prawf asesu grant.
• cyflwyno cynlluniau clir i wario'r arian cyn y dyddiad cau ar 20 Mawrth 2026.

Mae'r manylion llawn ar gael yn y canllawiau grant.

Gallwch wneud cais drwy lenwi'r ffurflen gais.

Cwblhewch eich ffurflen gais a'i hanfon drwy e-bost at: Diwylliant@llyw.cymru 

Y dyddiad cau ar gyfer ceisiadau yw 18 Mehefin 2025 am 5pm.

Gellir dod o hyd i ragor o fanylion yng nghanllawiau'r grant a'r ffurflen gais.

Bydd y broses asesu yn cynnwys system sgorio wedi'i phwysoli. Mae'r pwysoliad sgôr wedi'i nodi yn y canllawiau grant.