Gwerthusiad o'r prosiect Rhieni, Gofal Plant a Chyflogaeth: gwerthuso ar y broses a'r allbynnau

Mae'r adroddiad hwn yn ystyried:

• a yw'r rhaglen yn cael ei chyflwyno yn ôl y bwriad
• nodweddion y bobl sy’n cymryd rhan
• natur y cymorth a ddarperir
• perfformiad y rhaglen hyd yma.  

Canfyddiadau allweddol

• Roedd gan 100% o gyfranogwyr PaCE gyfrifoldebau gofal plant ac roedd 96% ohonynt yn fenywod. 
• Mae dros draean o'r holl gyfranogwyr wedi symud i mewn i waith, sy'n  sylweddol uwch na’r targed, sef 20%. 
• Cyn ymuno â PaCE, roedd y rhieni'n brin o ymwybyddiaeth a dealltwriaeth o'r gofal plant sydd ar gael.
• Ymddengys bod achosion o faterion iechyd meddwl lefel isel ymysg y bobl a gymerodd ran. 
• Mae rhesymau cyfranogwyr dros ymgysylltu â PaCE yn amrywio, ond mae gan lawer ohonynt awydd gwirioneddol i ddod o hyd i waith. 
• Yn gyffredinol, roedd gan gyfranogwyr berthynas dda â'u hymgynghorwyr.
• Roedd y cyfranogwyr a oedd wedi ymgymryd â lleoliadau gwirfoddoli yn y gwaith yn hynod bositif am y profiad.  
• Ymddengys bod systemau rheoli a gweinyddu yn gweithio'n dda ar y cyfan.
• Mae'r gwaith o hyrwyddo PaCE wedi bod ar lefel eithaf isel.
• Mae cynghorwyr PaCE yn gweithio o amrywiaeth o leoliadau cymunedol.
• Ymddengys bod PaCE yn cael effeithiau ehangach ar gyfranogwyr a'u teuluoedd y tu hwnt i'w galluogi i symud i waith, addysg, hyfforddiant neu gymwysterau.

Bydd yr adroddiad nesaf yn y gyfres yn archwilio’r prosiect, ei effeithiau a’r gwerth am arian a gafwyd.