Gwerthusiad o Ynni’r Fro

Roedd pedair elfen i’r gwerthusiad canol tymor

1. Adolygiad desg o hanes diweddar a chyd-destun polisi Ynni’r Fro.
2. Arolwg ar-lein o grwpiau cymunedol sydd wedi gwneud cais am gymorth gan Ynni’r Fro.
3. Cyfweliadau dilynol gyda detholiad o grwpiau cymunedol a ymatebodd i’r arolwg.
4. Cyfweliadau gyda rhanddeiliaid i drafod dyluniad a’r modd y mae’r rhaglen yn cael ei chyflawni.

Prif bwyntiau

• Cwmpas eang a safon y gwasanaeth cynghori a’r ffaith ei fod yn cael ei ddefnyddio’n genedlaethol.
• Y cymorth ariannol sydd ar gael drwy Ynni’r Fro.
• Y ffaith fod Ynni’r Fro yn rhaglen gymorth fwy hirdymor na mentrau eraill yn y maes.

Prif ganfyddiadau

Nododd y gwerthusiad nifer o heriau o ran datblygu prosiect ynni adnewyddadwy cymunedol, gan graffu ar sut y mae Ynni’r Fro eisoes yn ateb yr heriau hynny, a gwnaeth argymhellion am sut y gellid datblygu’r gwaith hwnnw yn y dyfodol.

Y prif heriau a nodwyd oedd:

• diffyg capasiti, sgiliau a phrofiad o fewn grwpiau cymunedol
• anawsterau o ran cael caniatadau a chydsyniadau cynllunio
• heriau o ran dod o hyd i gyllid ar gyfer gwneud gwaith paratoi a chyfalaf ar gyfer datblygu cynlluniau.