Gwerthusiad o Rhaglen Datblygu’r Gweithlu

Ariannodd y RhDG weithgareddau rhwydwaith o Ymgynghorwyr Datblygu’r Gweithlu i helpu busnesau yng Nghymru i adolygu eu gweithgareddau datblygu staff ac i nodi eu hanghenion hyfforddi. Roedd y RhDG hefyd yn cynnwys cronfa ddewisol a allai ddarparu cefnogaeth ariannol i gwmnïau fedru cwrdd â’r gost o hyfforddi eu staff.

Canfyddiadau allweddol

• Mae’r RhDG wedi llwyddo i ymgysylltu ag ystod eang o fusnesau ar draws nifer o sectorau ac ar draws gwahanol rannau o Gymru. Cefnogwyd oddeutu 4,315 o fusnesau rhwng Ebrill 2011 a Mawrth 2015, a pherfformiodd y rhaglen yn gadarn yn erbyn ei ddangosyddion perfformiad allweddol.
• Canfu'r gwerthusiad fod hyfforddiant y RhDG yn ychwanegu gwerth ac yn arwain at amrywiaeth o effeithiau cadarnhaol i fusnesau a gefnogwyd. Canfu'r gwerthusiad hefyd dystiolaeth o ganlyniadau cadarnhaol ar gyfer hyfforddeion mewn perthynas â’u parodrwydd i gymryd rhan a bod yn barod i gymryd cyfrifoldeb o fewn y gwaith.
• Mae'r adroddiad gwerthuso yn gwneud cyfres o bum argymhelliad mewn perthynas â dylunio a gweithredu rhaglenni yn y dyfodol.